هەوڵە نێودەوڵەتییەکان بۆ چاکسازی لە سیستەمی دووبارە بەکارهێنانەوە چڕ دەبنەوە

وێستگە ستایل - سۆلین عوسمان

داهاتووی ڕیسایکلین و دووبارە بەکارهێنانەوە سەرنجێکی زۆری بۆ لای خۆی ڕاکێشاوە، لە کاتێکدا گروپە ژینگەپارێزەکان و بڕیاردەران داوای گۆڕینی سیستەمە کۆنەکان دەکەن.

ملیۆنان خێزان ڕۆژانە پاشماوەکانیان جیا دەکەنەوە، بەڵام هەموو کات ئەم کەرستانە ناچنە ناو پڕۆسەیەکی دروستی ڕیسایکلینەوە و زۆربەیان لە کۆتاییدا فڕێ دەدرێن.

یەکێک لە کێشە گەورەکان تێکەڵبوونی کەرستەکانە. کاتێک کەرستەیەک کە بۆ دووبارە بەکارهێنانەوە نابێت دەخرێتە ناو سەلەکان، دەبێتە هۆی ئەوەی تەواوی کۆمەڵەکە تێک بچێت و خەرجی زیاتر بکەوێتە سەر حکومەت.

کێشەیەکی تر شێوازی دروستکردنی پاکەتەکانە. ئەو بەرهەمانەی کە لە چەندین ماددەی جیاواز دروست کراون، جیاکردنەوەیان زۆر قورسە بۆ کارگەکانی ڕیسایکلین.

پسپۆڕان دەڵێن پێویستە چاکسازی لە هەموو قۆناغەکاندا بکرێت، لە دیزاینکردنی بەرهەمەکانەوە تا کۆکردنەوە و چارەسەرکردنیان لە کارگەکاندا.

هەرچەندە خەڵک ڕۆڵیان هەیە، بەڵام نابێت هەموو بەرپرسیارێتییەکە تەنها بخرێتە سەر شانی خێزانەکان، بەڵکو پێویستە کارگەکانیش شێوازی بەرهەمهێنانیان بگۆڕن.

سیستەمێکی باشتر دەبێتە هۆی کەمکردنەوەی پاشماوەکان و گەڕانەوەی ماددە خاوەکان بۆ ناو پیشەسازی، کە ئەمەش خزمەتێکی گەورە بە ژینگە دەکات.

ئەم گفتوگۆیانە جەخت لەسەر پێویستی دانانی یاسای نوێ دەکەنەوە کە تێکەڵەیەک بێت لە بەشداری خەڵک و باشترکردنی ژێرخانی پیشەسازی.

سەرچاوە: The Washington Post