مەترسییەکی گەورە ڕوو لە بەرهەمە کشتوکاڵییەکانی چین دەکات

وێستگە ستایل - سۆلین عوسمان

گۆڕانی کەشوهەوا و لافاو و گەرمای توند، کەرتی کشتوکاڵی چینیان خستووەتە دۆخێکی نالەبار و مەترسیدارەوە.

لە ناوەڕاستی مانگی تەمموزەوە، ناوچە سەرەکییەکانی کشتوکاڵ لە وڵاتی چین ڕووبەڕووی شەپۆلی گەرمای بێپێشینە و لافاوی وێرانکەر بوونەتەوە.

بەرهەمە ستراتیژییەکانی وەک گەنمەشامی، سۆیا و لۆکە لە ژێر مەترسی فەوتانداندان، بەتایبەت هەرێمی شینجیانگ کە ٩٠٪ی لۆکەی چین بەرهەم دەهێنێت و ئێستا بەدەست وشکەساڵییەوە دەناڵێنێت.

ئەم تێکچوونە لە بەرهەمهێنانی ناوخۆییدا دەبێتە هۆی ئەوەی وڵاتی چین بۆ پڕکردنەوەی پێداویستییەکانی، زیاتر پشت بە هاوردەکردنی کاڵا کشتوکاڵییەکان لە دەرەوە ببەستێت.

پێشبینی دەکرێت بەهۆی ئەم کورتهێنانەی چین و زیادبوونی داواکارییەکانی، نرخی دانەوێڵە و لۆکە لە بازاڕە جیهانییەکاندا بەرزبوونەوەی بەرچاو بەخۆیانەوە ببینن.

سەرچاوە فەرمییەکانی چین و ئاژانسی ڕۆیتەرز.

PM:09:00:28/08/2026

ئه‌م بابه‌ته 96 جار خوێنراوه‌ته‌وه‌‌