لەدایکبوونی بەچکە بیڤەر لە نۆرفۆلک بۆ یەکەمجار دوای ٥٠٠ ساڵ

وێستگە ستایل - سۆلین عوسمان

بۆ یەکەمجار لە ماوەی زیاتر لە پێنج سەدەدا، بەچکە "بیڤەر" لە ناوچەی نۆرفۆلکی ئینگلتەرا لەدایکبوون، ئەمەش وەرچەرخانێکی گرنگە لە هەوڵەکان بۆ گەڕاندنەوەی ژیانیbکێوی.

دوو بیڤەری پێگەیشتوو لە مانگی کانوونی یەکەمی ڕابردوو لە ناوچەی پارێزراوی "پێنستۆرب" دەرکەوتن و ئێستا بەچکەیان بووە.

بیڤەرەکان سەدان ساڵ لەمەوبەر لە بەریتانیا بەهۆی ڕاوکردنەوە لەناوچوون، بەڵام پڕۆژەکانی پاراستنی ژینگە لەم دواییانەدا یارمەتیدەر بوون لە گەڕانەوەیان.

سەرچاوەی دروستی ئەم بیڤەرانەی نۆرفۆلک هێشتا بە تەواوی ڕوون نییە، بەڵام پارێزەرانی ژینگە بیر لەوە دەکەنەوە چۆن ژمارەیان زیاد بکەن.

ئەم ئاژەڵانە بە "ئەندازیاری ژینگە" دەناسرێن، چونکە بە دروستکردنی بەنداوە کانیان ڕێڕەوی ئاو دەگۆڕن و زۆنگاو دروست دەکەن کە دەبێتە پەناگە بۆ زۆرێک لە زیندەوەرانی تر.

گەڕانەوەیان کاریگەری ئەرێنی لەسەر مێروو، ماسی، باڵندە و ڕووەکەکان دەبێت، چونکە ژینگەیەکی دەوڵەمەندتر دروست دەکەن.

هەرچەندە زیادبوونیان لەوانەیە کێشە بۆ هەندێک کێڵگەی کشتوکاڵی دروست بکات، بەڵام بەڕێوەبردنێکی ورد دەتوانێت ئەم کێشەیە چارەسەر بکات.

لەدایکبوونی ئەم بەچکانە هەنگاوێکی مێژووییە لە گەڕاندنەوەی ئاژەڵە ڕەسەنەکان بۆ سروشتی بەریتانیا.

سەرچاوە: ڕۆژنامەی گاردیان، ٢٤ی ئابی ٢٠٢٦.

PM:11:27:25/08/2026

ئه‌م بابه‌ته 180 جار خوێنراوه‌ته‌وه‌‌