قووڵترین کێڵگەی تاقیکاری لە جیهاندا بۆ چاندنی خۆراک لە ژێر زەویدا

وێستگە ستایل - سۆلین عوسمان

توێژەران لە بەریتانیا تاقیکردنەوە لەسەر شێوازێکی نائاسایی بۆ کشتوکاڵ دەکەن، ئەویش چاندنی خۆراکە لە قووڵایی زەویدا لە ناو کانییەکی کۆندا.

ئەم پڕۆژەیە لە ناوچەی بۆڵبی لە باکووری یۆرکشایر بەڕێوەدەچێت بۆ ئەوەی بزانرێت ئایا ژینگەی ژێر زەوی دەتوانێت یارمەتیدەر بێت بۆ l دابینکردنی خۆراکی داهاتوو.

زانایانی زانکۆی شیفێڵد و کۆمپانیای Farm Urban خەریکی تاقیکردنەوەی چاندنی هەندێک ڕووەکن وەک کاهوو لە ناو کانییەکی کۆندا بە بەکارهێنانی سیستەمێکی کشتوکاڵی کۆنترۆڵکراو.

ئەم توێژینەوەیە بەهۆی بەرزبوونەوەی تێچووی وزە، گۆڕانی کەشوهەوا و پێویستی بەکارهێنانی کاراتری زەوی و ئاوەوە هاتووەتە کایەوە.

ژینگەی ژێر زەوی پلەی گەرمی جێگیرتری هەیە و پارێزراوە لە کەشوهەوای توند. توێژەران هیواخوازن ئەمە تێچووی وزە کەم بکاتەوە بەراورد بەو کێڵگە ناوخۆییانەی کە لەسەر زەوی دروست دەکرێن.

هەروەها پڕۆژەکە لێکۆڵینەوە لەوە دەکات ئایا دەکرێت ژێرخانە پیشەسازییە کۆنەکان بۆ بەرهەمهێنانی خۆراک و گەشەپێدانی ئابووری دووبارە بەکاربهێنرێنەوە.

توێژەران ئاماژە بەوە دەدەن کە تەکنەلۆژیاکە هێشتا لە قۆناغی تاقیکاریدایە و ئەنجامە سەرەتاییەکانیش تێکەڵ بوون.

سەرەڕای ئەوەش، پڕۆژەکە نیشانەی بایەخی زانایانە بە دۆزینەوەی ڕێگەی نوێ و خۆڕاگر بۆ بەرهەمهێنانی خۆراک لە جیهانێکی گۆڕاودا.

سەرچاوە: ڕۆژنامەی گاردیان، ٢٢ی ئابی ٢٠٢٦.

PM:11:26:25/08/2026

ئه‌م بابه‌ته 124 جار خوێنراوه‌ته‌وه‌‌