فەلسەفە و زانست دووبارە پرسیاری هۆشیاری لە سەردەمی زیرەکی دەستکرددا دەوروژێننەوە

وێستگە ستایل - سۆلین عوسمان

پێشکەوتنی خێرای زیرەکی دەستکرد بووەتە هۆی دروستبوونی بایەخێکی نوێ بۆ یەکێک لە کۆنترین پرسیارەکانی فەلسەفە: چی بە وردی وا لە مێشک دەکات هۆشیار بێت؟ لە ساڵی

٢٠٢٦دا، توێژەرانی بوارەکانی فەلسەفە، دەروونناسی و دەمارزانی زیاتر لە جاران لێکۆڵینەوە لە هۆشیاری دەکەن هاوشانی پێشکەوتنەکانی زیرەکی دەستکرد.

ئەم گفتوگۆیە گەشەی کردووە چونکە سیستەمەکانی زیرەکی دەستکرد توانای بەرهەمهێنانی زمان، ئیستنتانتاج و چارەسەرکردنی کێشەی ئاڵۆزیان پەیدا کردووە. هەندێک کۆمپانیای تەکنەلۆژی ئێستا ڕاوێژ بە فەیلەسوفەکان و توێژەرانی هۆشیاری دەکەن سەبارەت بە پرسیارەکانی پەیوەست بە ئەزموون و زیرەکی ئامێرەکان.

زاناکان هۆشداری دەدەن کە هەڵسوکەوتی سەرنجڕاکێش ئەوە ناسەلمێنێت کە سیستەمەکە هۆشیارە. تا ئێستا هیچ ڕێککەوتنێکی زانستی لەسەر ئەوە نییە کە چۆن هۆشیاری مرۆڤ لە چالاکی مێشکەوە سەرچاوە دەگرێت، ئەمەش وا دەکات ئیدیعاکان دەربارەی هۆشیاری دەستکرد زۆر مشتومڕ هەڵگر بن.

ئەم گفتوگۆیە پرسیارە فەلسەفییە کلاسیکییەکان دەربارەی مێشک، ناسنامە و ئەزموونی کەسیی بە دەمارزانی مۆدێرنەوە دەبەستێتەوە. توێژەران بە تایبەت بایەخ بە دیاریکردنی ئەو پرۆسە دەمارییانە دەدەن کە بۆ دروستبوونی درکی هۆشیارانە پێویستن.

ئەم مشتومڕە نوێیە نیشانی دەدات چۆن پەرەسەندنی تەکنەلۆژیا دەتوانێت پرسیارە فەلسەفییە کۆنەکان زیندوو بکاتەوە، لە هەمان کاتدا زاناکان ناچار دەکات دووبارە بیر لە سنوورەکانی نێوان زیرەکی، درککردن و هۆشیاری بکەنەوە.

سەرچاوە: گۆڤاری نەیچەر، ٢٨ی تەمموزی ٢٠٢٦.

PM:11:15:19/08/2026

ئه‌م بابه‌ته 128 جار خوێنراوه‌ته‌وه‌‌