ژیریی دەستکرد و هەوڵە جیهانییەکان بۆ پاراستنی زمانە ڕەسەنەکان

وێستگە ستایل - سۆلین عوسمان

هەوڵە نێودەوڵەتییەکان بۆ پاراستنی زمانە ڕەسەنەکان و ئەوانەی لە مەترسیی لەناوچووندان، زیاتر ڕوویان لە جیهانی دیجیتاڵی کردووە. یونسکۆ بەردەوامە لە کارەکانی بۆ پاراستنی ئەم زمانانە و ئێستاش باس لەوە دەکرێت چۆن ژیریی دەستکرد دەتوانێت یارمەتیدەر بێت بەبێ ئەوەی کۆنترۆڵی کۆمەڵگەکان بەسەر زمانی خۆیاندا

نەمێنێت.

لە تەمموزی ٢٠٢٦دا، یونسکۆ لە پیرۆ گفتوگۆیەکی ئەنجامدا سەبارەت بە پەیوەندی نێوان ژیریی دەستکرد و زمانە ڕەسەنەکان. لەوێدا کارەکانی تایبەت بە زمانی گەلی "تاوشیرۆ" نمایشکران، کە نیشانی دەدات چۆن تەکنەلۆژیا دەتوانێت خزمەت بە کولتوور بکات.

ئامرازە دیجیتاڵییەکان دەرفەتێکی گەورە دەڕەخسێنن، وەک تۆمارکردنی دەنگ، دروستکردنی فەرهەنگی ئەلیکترۆنی و بەرنامەی پەروەردەیی. ئەمەش یارمەتی نەوەی نوێ دەدات بە ئاسانی فێری زمانەکانیان ببنەوە و پارێزگاری لە وشە و چیرۆکەکان بکەن.

لەلایەکی دیکەوە، پرسیاری ئەوە دروست بووە کێ خاوەنی ئەم زانیارییانەیە؟ پێویستە کۆمەڵگە ڕەسەنەکان خۆیان بڕیار بدەن چۆن زانیارییە زمانییەکانیان کۆدەکرێتەوە و لە سیستەمە بازرگانییەکانی ژیریی دەستکرددا بەکاردێت.

یونسکۆ ساڵانی ٢٠٢٢-٢٠٣٢ی وەک "دەیەی نێودەوڵەتی زمانە ڕەسەنەکان" دیاریکردووە. ئامانجی ئەم هەنگاوە بەهێزکردنی فرەچەشنیی زمانەوانییە، چونکە هەر زمانێک شوناس وبمەعریفەیەکی تایبەت بە خۆی هەڵگرتووە.

داهاتووی زمانە مەترسیدارەکان بەندە بەوەی تا چەند تەکنەلۆژیا بە بەرپرسیارییەوە بەکاردێت. هەرچەندە ژیریی دەستکرد ناتوانێت جێگەی مرۆڤ بگرێتەوە، بەڵام دەبێتە ئامرازێکی گرنگ بۆ گواستنەوەی میراتی زمانەوانی بۆ داهاتوو.

سەرچاوە: بەشی ڕاگەیاندن و بڵاوکراوەکانی ڕێکخراوی یونسکۆ (UNESCO)

PM:11:15:12/08/2026

ئه‌م بابه‌ته 104 جار خوێنراوه‌ته‌وه‌‌