ژمارەیەکی نوێی گۆڤاری واران تایبەت بە منداڵان بڵاوکرایەوە

وێستگە ستایل - سۆلین عوسمان

دامەزراوەی کەریمی عەلەکە بۆ خزمەتکردنی بواری پەروەردە و ئەدەبی منداڵان، شەشەمین ژمارەی گۆڤاری وەرزیی "واران"ی خستە بەردەستی خوێنەران، کە تایبەتە بە منداڵ و مێردمنداڵان.

ئەم ژمارە نوێیەی گۆڤارەکە، بەرهەمی هەمەجۆر و بابەتگەلێکی پەروەردەیی لەخۆدەگرێت کە بە شێوازێکی سەرنجڕاکێش بۆ تەمەنی منداڵ و مێردمنداڵ ئامادەکراون، بە ئامانجی گەشەپێدانی خەیاڵ و توانای فیکریی ئەوان.

لە ناوەڕۆکی ئەم ژمارەیەدا چەندین چیرۆک و بابەتی ئەدەبی هەن، لەوانەش؛ "ڕۆژێکی پێکەنیناوی"، "تیمساح و مەیموون" و "ماڵێک بۆ کلک سپی"، هەروەها شانۆگەرییەک بە ناوی "تۆپ و توو" لە لاپەڕەکانیدا جێگەی کراوەتەوە.

گۆڤاری واران گۆڤارێکی وەرزییە و لە شاری سلێمانی دەردەچێت، یەکەم ژمارەی لە چارەکی یەکەمی ساڵی ٢٠٢٥ بڵاوکراوەتەوە و وەک سەرچاوەیەکی گرنگی ئەدەبی و پەروەردەیی بۆ منداڵانی کورد دەناسرێت.

بڵاوکردنەوەی ئەم گۆڤارە لە چوارچێوەی هەوڵەکانی دامەزراوەی کەریمی عەلەکەیە بۆ پڕکردنەوەی ئەو کەلێنە ئەدەبییەی لە کتێبخانەی کوردیدا بۆ تەمەنی منداڵان و مێردمنداڵان هەیە.

ڕاگەیەنراوی دامەزراوەی کەریمی عەلەکە

PM:06:10:07/08/2026

ئه‌م بابه‌ته 128 جار خوێنراوه‌ته‌وه‌‌