دیوارەکانی ئامەد؛ قەڵایەکی جیهانی و سیمبولی خۆڕاگریی مێژوویی کوردستان

وێستگە ستایل - سۆلین عوسمان

دیواری ئامەد لە باکووری کوردستان، کە بە دووەم درێژترین دیواری مێژوویی جیهان دادەنرێت، وەک قەڵغانێکی بەهێز بۆ هەزاران ساڵە ناسنامەی شارەکەی پاراستووە.

ئەم دیوارانە کە لە بەردی بازیڵتی ڕەش دروستکراون، دەوری بەشە کۆنەکەی شاری ئامەدیان داوە و بە درێژیی زیاتر لە ٥ کیلۆمەتر و هەبوونی ٨٢ بورج، شکۆیەکی گەورەیان بە شارەکە بەخشیوە.

مێژووی دروستکردنی ئەم دیوارانە بۆ سەردەمە زۆر کۆنەکان دەگەڕێتەوە و لە لایەن چەندین شارستانییەتی جیاوازەوە نۆژەنکراونەتەوە، کە هەر یەکێکیان نەخش و نیشانەیبخۆیان لەسەر بەردەکان جێهێشتووە.

لە ساڵی ٢٠١٥دا، ئەم دیوارانە لەگەڵ "باخچەکانی هەوسەل" بە فەرمی لە لیستی کەلەپووری جیهانی (یونسکۆ) تۆمارکران، ئەمەش ئاستی گرنگیی نێودەوڵەتیی شوێنەکەی بەرزکردەوە.

دیوارەکانی ئامەد تەنها بینایەکی سەربازی نین، بەڵکو گەواهی وەرچەرخانە مێژووییەکان و خۆڕاگریی نەتەوەیەکن کە لەسەر ئەم خاکە نیشتەجێن.

سەرچاوە: گۆڤاری ناشیۆنال جیۆگرافیک و ئەرشیفی یونسکۆ

PM:06:34:31/07/2026

ئه‌م بابه‌ته 84 جار خوێنراوه‌ته‌وه‌‌