پڕفرۆشترین کتێبی ساڵی ٢٠٢٥؛ کام ناونیشان کۆنترۆڵی بازاڕەکانی کرد؟

وێستگە ستایل - سۆلین عوسمان

لە ساڵی ٢٠٢٥دا، پیشەسازی بڵاوکردنەوەی کتێب ساڵێکی پڕ لە ڕکابەری بەڕێ کرد و ڕۆمانی (Sunrise on the Reaping) توانی ببێتە پڕفرۆشترین کتێبی نوێ لە جیهاندا.

ئەم ڕۆمانە کە لە نووسینی سوزان کۆلێنزە، خوێنەران دەگەڕێنێتەوە بۆ جیهانی پانێم و چیرۆکی "هایمیچ ئەبەرناتی" دەگێڕێتەوە، کە چەندین ساڵ پێش ڕووداوەکانی زنجیرە کتێبی

(The Hunger Games) ڕوودەدات 

بەپێی ڕاپۆرتی بڵاوکراوەکان، فرۆشی هەفتەی یەکەمی ئەم کتێبە لە ئەمریکا و ئەوروپا ژمارەی پێوانەیی شکاندووە، ئەمەش بەهۆی ئەو هەڵمەتە پڕوپاگەندەییەی کە لەگەڵ بڵاوبوونەوەی هەواڵی دروستکردنی فیلمێکی نوێ لەسەر کتێبەکە، ئەنجام درابوو.

شیکەرەوەکانی بازاڕ ئاماژە بەوە دەدەن کە کتێبە خەیاڵی و مێژووییەکان هێشتا لە ڕیزبەندی یەکەمی خواستی خوێنەراندان، هەروەها فرۆشی کتێبە دەنگییەکان و دیجیتاڵییەکانیش بەردەوام لە گەشەکردندایە.

سەرکەوتنی ئەم کتێبە سەلماندی کە زنجیرە ئەدەبییە بەناوبانگەکان هێشتا دەتوانن سەرنجی نەوەیەکی نوێ لە خوێنەران بۆ لای خۆیان ڕابکێشن و برەو بە خوێندنەوە بدەن.

سەرچاوە: سێرکانا بووک سکان، پبلشەرز ویکلی، شۆلاستیک.

PM:11:54:07/07/2026

ئه‌م بابه‌ته 60 جار خوێنراوه‌ته‌وه‌‌