زانکۆی هارڤارد؛ لوتکەی زانست و باشترین ناوەندی پزیشکی لە جیهاندا

وێستگە ستایل - سۆلین عوسمان

بۆ ئەو خوێندکارانەی خەون بە بوون بە پزیشکێکی سەرکەوتوو دەبینن، ناوی "هارڤارد"

هەمیشە لە لوتکەی ئاواتەکانیاندایە. زانکۆی هارڤارد لە ویلایەتە یەکگرتووەکانی

ئەمریکا بەردەوامە لە پاراستنی پێگەی خۆی وەک باشترین زانکۆی جیهان بۆ لێکۆڵینەوە

و خوێندنی پزیشکی.

بەشی پزیشکی ئەم زانکۆیە کە بە "Harvard Medical School" ناسراوە، ناوەندێکی

جیهانییە بۆ داهێنانە زانستییەکان. ئەم زانکۆیە تەنها شوێنی فێربوون نییە،

بەڵکو کارگەیەک و پاشخانێکی گەورەیە بۆ بەرهەمهێنانی ئەو پزیشک و زانایانەی کە

چارەنووسی مرۆڤایەتی دەگۆڕن لە ڕێگەی دۆزینەوەی دەرمانی نوێ و ڕێگەی چارەسەری

مۆدێرن.

سیستەمی خوێندن لە هارڤارد پشت بە لێکۆڵینەوەی مەیدانی و تاقیگەی پێشکەوتوو

دەبەستێت. زانکۆکە پەیوەندییەکی توندوتۆڵی لەگەڵ گەورەترین نەخۆشخانەکانی

جیهان هەیە، ئەمەش دەرفەت بۆ خوێندکاران دەڕەخسێنێت کە لە نزیکەوە ئاشنای

ئاڵۆزترین حاڵەتە پزیشکییەکان بن. زۆربەی ئەو پزیشکانەی خەڵاتی نۆبڵیان

وەرگرتووە، دەرچووی ئەم زانکۆیە بوون.

قوتابخانەی پزیشکی هارڤارد لە ساڵی ١٧٨٢ دامەزراوە، کە ئەمەش دەیکاتە یەکێک لە

کۆنترین و ڕەسەنترین ناوەندە پزیشکییەکان. لە ماوەی سەدەکاندا، ئەم ناوەندە

ڕۆڵی سەرەکی هەبووە لە پەرەپێدانی ڤاکسینەکان و تێگەیشتن لە نەخۆشخانە

گوازراوەکان و نەشتەرگەرییە دەگمەنەکان.

بەدەستهێنانی کورسی خوێندن لەم زانکۆیەدا کارێکی ئاسان نییە و پێویستی بە توانایەکی

زانستی بێوێنە هەیە، بەڵام هەرکەسێک لێی دەربچێت، دەبێتە یەکێک لە سەرکردە

کاریگەرەکانی بواری پزیشکی لە جیهاندا.

سەرچاوە: ڕیزبەندی جیهانی زانکۆکانی "QS World University Rankings" و "Times

Higher Education".

PM:11:51:29/05/2026

ئه‌م بابه‌ته 16 جار خوێنراوه‌ته‌وه‌‌