God of War؛ بێ ئومێدییەک لە جیهانی یارییە ڤیدیۆییەکاندا

وێستگە ستایل - سۆلین عوسمان

بەشە نوێیەکەی یاری بەناوبانگی God of War کە چاوەڕوانییەکی زۆری لێ دەکرا، لە کاتی بڵاوبوونەوەیدا نەیتوانی پێشبینییەکانی هەوادارانی بەدی بهێنێت و ڕووبەڕووی پێشوازییەکی سارد بووەوە. ئەم یارییەی کە پێشتر هەمیشە وەک یەکێک لە باشترینەکانی مێژوو سەیر دەکرا، ئەمجارەیان نەیتوانی بگاتە لووتکەی سەرکەوتن.

لە تۆڕەکانی IGN و Metacritic، کە دوو گەورەترین سەرچاوەی هەڵسەنگاندنی یارییەکانن لە جیهاندا، ئەم وەشانە نوێیە تەنها ڕێژەی ٦٥٪ی پێ دراوە. ئەم نمرەیە بە بەراورد بە بەشەکانی پێشووی یارییەکە زۆر نزمە و نیشانەی ئەوەیە کە گەشەپێدەران نەیانتوانیوە نوێگەرییەکی ئەوتۆ پێشکەش بکەن کە دڵی یاریزانان ڕازی بکات.

شارەزایانی بواری تەکنەلۆژیا و یارییەکان ئاماژە بەوە دەکەن کە یارییەکە لە ڕووی چیرۆک و لایەنە هونەرییەکانەوە کێشەی هەیە و نەیتوانیوە ئەو هەستە دروست بکات کە بەشەکانی پێشوو دروستیان کردبوو. ئەم بێ ئومێدییە بووەتە هۆی ئەوەی هەوادارانی یارییەکە لە تۆڕە کۆمەڵایەتییەکان ناڕەزایەتی دەربڕن و داوا بکەن کە لە داهاتوودا کاری جددیتر لەسەر ئەم زنجیرە یارییە بکرێت.

سەرچاوە: پێگەی ئای جی ئێن و مێتاکریتیک.

PM:08:27:14/03/2026

ئه‌م بابه‌ته 52 جار خوێنراوه‌ته‌وه‌‌