بەڕێوەبەرێکی نوێ بۆ مۆزەخانەی لۆڤەر دیاریکرا تاوەکو پڕۆژەی "ڕێنسانسی نوێ" جێبەجێ بکات

وێستگە ستایل - سۆلین عوسمان

کریستۆف لێریبۆڵت، کە پێشتر سەرۆکی کۆشکی ڤێرسای بووە، وەک بەڕێوەبەری نوێی مۆزەخانەی لۆڤەر لە پاریس دەستبەکاربوو، کە ئەرکێکی قورسی لەسەر شانە بۆ نۆژەنکردنەوەی ئەم شوێنە مێژووییە.

لێریبۆڵت دەبێت سەرپەرشتی پڕۆژەیەکی ملیار دۆلاری بکات بە ناوی "ڕێنسانسی نوێ"، کە ئامانج لێی مۆدێرنکردنی مۆزەخانەکە و چارەسەرکردنی کێشەی قەرەباڵغی زۆرە کە ساڵانە ملیۆنان گەشتیار دروستی دەکەن.

یەکێک لە پلانە سەرەکییەکان دروستکردنی دەروازەیەکی جیاواز و نوێیە بۆ تابلۆی "مۆنالیزا"ی لیۆناردۆ داڤینچی، تاوەکو گەشتیاران بتوانن بە ئاسانی بیبینن و ئەو جەنجاڵییە گەورەیەی ئێستا هەیە کەمببێتەوە.

بەڕێوەبەرە نوێیەکە ئەزموونێکی زۆری لە بەڕێوەبردنی شوێنەوارە گەورەکانی فەرەنسادا هەیە، بەڵام ڕووبەڕووی تەحەدی گەورە دەبێتەوە لە دابینکردنی بودجە و ڕازی کردنی ڕای گشتی بۆ گۆڕانکارییەکان لە بینایەکدا کە تەمەنی 800 ساڵە.

ئەم قۆناغە بۆ لۆڤەر زۆر گرنگە، چونکە دەبێت هاوسەنگییەک بپارێزێت لە نێوان پاراستنی مێژووەکەی و دابینکردنی پێداویستییەکانی گەشتیاری سەدەی بیست و یەکەم، لێریبۆڵت دەبێت بیسەلمێنێت کە دەتوانێت ڕۆحی مێژوویی لۆڤەر بپارێزێت و لە هەمان کاتدا مۆدێرنی بکات.

سەرچاوە:

مۆزەخانەی لۆڤەر (Louvre Paris) 

PM:11:39:02/03/2026

ئه‌م بابه‌ته 68 جار خوێنراوه‌ته‌وه‌‌