پسپۆران: پەتاتە گەنجینەی پاراستنی پێستە
وێستگە ستایل-
تیمێک لە زانایان بە نیازن بە سوود وەرگرتن لە توێکڵی پەتاتە چەند بەرهەمێکی گرنگیدان بە پێست بەرهەم بهێنن کە بتوانرێت وەک چارەسەرکردنی کێشەکانی پێست بەکاربهێندرێت.
پسپۆڕان ئەوەش ئاشکرادەکەن کە توێکڵی پەتاتە چەندین پێکهاتەی چالاکی تێدایە کە دەکرێت لە بواری کۆسمەتیک و پێستدا سودیان لێوەربگیرێت، یەکێک لە گرنگترین ئەو پێکهاتانەش "سۆلانیسۆل" ە کە بەرپرسە لە بەرهەمهێنانی ئەنزیمی Q10 و ڤیتامین K2.
ئەنزیمی Q10 بە دژە ئۆکسێنەرێکی بەهێز دەناسرێت و لە توانایدا هەیە کە پێست بە گەنجی و تەندروستی بهێڵێتەوە، هەروەها ڤیتامین K2 بەرپرسە لە مێتابۆلیزمی کۆلاجین و کالسیۆم.
ئەگەر بتوانرێت توێکڵی پەتاتە وەک سەرچاوەیەکی گرنگی پێکهاتەی سۆلانیسۆل بەکاربهێندرێت و سوودی لێوەربگیرێت، دەکرێت چەندین بەرهەمی ماسکی ڕوخسار و کرێمی شێدارکەرەوەی پێستی لێ بەرهەمبهێندرێت.
AM:09:30:30/11/2025
ئه‌م بابه‌ته 64
جار خوێنراوه‌ته‌وه