هەواڵێکی ناخۆش بۆ ئەو کەسانەی تاتۆیان کردوە
وێستگە ستایل-
ئەنجامی توێژینەوەیەکی نوێ ئاگای دەدات بەو کەسانەی کە تاتۆیانکردووە، چونکە بەهۆیەوە مەترسی توشبونیان بەشێرپەنجەی پێست بەڕێژەی %29 زیاد دەکات.
بەگوێرەی ئەو ڕاپۆرتەی گۆڤاری زانستی "Science Alert" بڵاویکردۆتەوە تیایدا ئاماژە بۆ ئەوە کراوە مەترسی توشبونیان بەشێرپەنجەی پێست زۆر دەبێت، لەکاتێکدا هۆکاری سەرەکی توشبوون بەم جۆرەی شێرپەنجە بەرکەوتنی بەردەوامە بەتیشکی سەروو وەنەوشەیی، هەربۆیە ئەنجامی ئەم توێژینەوەیە شۆک هێنەر بووە لەناو گەنجانی ڕۆژئاوا کە لایان وایە تاتۆ ڕێگایەکە بۆ ناساندنی خوود و گوزارشت کردن لە کەسایەتی.
تیمی توێژینەوەکە باسیان لەوە کردوە "ئەگەر چی ئەم جۆرەی شێرپەنجە زۆر خاو تەشەنە دەسێنێت بەڵام توێژینەوەکە لەسەر ئەو کەسانە کراوە کە توشی شێرپەنجە بوون ومێژووی تاتۆ کردنیان هەبوە ".
داتاکان ئەوەیان سەلماندوە مەترسی توشبوون بەشێرپەنجەی پێست لەناو ئەو کەسانەدا زیاترە کە زیاد لە 10 ساڵە تاتۆیان کردوە.
AM:09:05:30/11/2025
ئه‌م بابه‌ته 92
جار خوێنراوه‌ته‌وه