هۆکارەکانی گەورە بون و ئاوسانی جگەر
وێستگە ستایل-
جگەر ئەندامێکی گەورە و زۆر گرنگ و سەرەکی لەشە و دەکەوێتە بەشی سەرەوەی لای ڕاستی سک لە ژێر پەراسوەکانی لای ڕاست، قەبارەی جگەر بەپێی تەمەن و ڕەگەز و قەبارەی جەستە دەگۆڕێت،لەکاتی ساغی و تەندروستیدا هەستی پێناکرێت لەسەر ڕووی سک، بەڵام زۆر حاڵەت دەتوانێت ببێتە هۆی گەورەبوونی، دكتۆر هێمن پزیشكی نه‌شته‌رگه‌ر له‌م بابه‌ته‌دا هۆكاره‌كانی باسكردوه.
1-نەخۆشیەکانی جگەر خۆی:
وەک نەخۆشی بە مۆم بوونی جگەر ، نەخۆشی هەوکردنی (ئیلتیهابات) ڤایرۆسی جگەری A، B و C،یان نەخۆشییەکانی تری جگەر وەک کۆبونەوەی چەوری زۆر لەسەر جگەر یان نەخۆشی ویڵسۆن و نەخۆشی گاوچەر،کیسی ئاوی سەر جگەر،وەرەم و گرێی جگەر خۆی چ شێرپەنجەیی بێت یان نا شێرپەنجەیی.
2-کێشەی ئەندامەکانی تر کەئەگوازرێتەوە بۆ جگەر وەک:
گیران و ئاوسانی زراو و بۆرییەکانی زەرداو،گرێی شێرپەنجەیی کە شێرپەنجەکە لە بەشێکی تری لەش دەست پێدەکات و بۆ جگەر بڵاودەبێتەوە، شێرپەنجەی خوێن و لیمف(لیوکیمیا و لیمفۆما)،کێشەی دڵ و خوێنبەرەکان وەک گیرانی ئەو خوێنبەرانەی کە خوێن بۆ جگەر دەبەن (نەخۆشی Budd-Chiari syndrome)،سستبوونی دڵ ،هەوکردنی شانەکانی دەوروبەری دڵ (هەوکردنی دڵ).
PM:04:02:14/01/2025
ئه‌م بابه‌ته 2812
جار خوێنراوه‌ته‌وه