‌كاردانه‌وه‌ى چاڤى پاش بردنه‌وه‌ى جامى خوان گامبه‌ر

وێستگە سپۆرت-

چاڤى هێرناندزه‌ ئیسپانى و ڕاهێنه‌رى یانه‌ى به‌رشه‌لۆنه‌ خۆشحاڵى خۆى به‌ بردنه‌وه‌ى جامى خوان گامبه‌ر ده‌ربڕی و ده‌ڵێت ده‌مانه‌وێت به‌م شێوه‌یه‌ به‌رده‌وام بین.

له‌ پاش یارییه‌كه‌ و له‌ لێدوانێكیدا چاڤى وتى:   خۆشحاڵم، دەمانەوێت بەم شێوەیە بەردەوام بین، ماوەی ئامادەکاریمان باش بوو لەڕووی یارییەکان و ئەنجامەکانەوە.

چاڤى وتیشى  کێبڕکێیەکی زۆرمان هەیە بۆ پێگە سەرەکییەکانی یانەکە.

له‌ درێژه‌ى قسه‌كانیدا چاڤى وتیشى: نازانم فرێنکی دی یۆنگ چی بەسەر دێت، تا ٣١ی ئاب ئەگەری هەیە هەر کەسێک بچێتە دەرەوە، بەڵام ئەو بیرۆکەی من لەبارەی ئەو دەزانێت و یانەکە چی لێی دەوێت.  بێگومان حسابی بۆ دەکەم ئەو یاریزانێکی گەورەیە.

له‌ كۆتایشدا وتى: بوونی لیڤاندۆڤسکی بۆ ئێمە زۆر گرنگە، چونکە بەردەوام بەدوای گۆڵ دەگەڕێت.


PM:11:58:07/08/2022


ئه‌م بابه‌ته 308 جار خوێنراوه‌ته‌وه‌‌