‌ڕیاڵ مه‌درید بیر له‌ گواستنه‌وه‌ى ئه‌ستێره‌یه‌كى گرنگ ده‌كاته‌وه‌

وێستگە سپۆرت-

یانەی ریاڵ مەدریدی ئیسپانی، بیر لە گواستنەوەی پۆڵ پۆگباى فه‌ڕه‌نسى و ئه‌ستێره‌ى یانەی مانچێستەر یونایتد دەکاتەوە .
 
رۆژنامەی ئەی ئێسی ئیسپانی جه‌ختده‌كاته‌وه‌ ریاڵ مەدرید بەجدی بیر لە گرێبەستکردن لەگەڵ پۆڵ پۆگبا، ئەستێرەی هێڵی ناوه‌ندى یانەی مانچێستەر یونایتدی ئینگلیزی و هەڵبژاردەی فەرەنسا دەکاتەوە و دەیەوێت یاریزانەکە لە گواستنەوەی هاوینی داهاتوودا بباتە ریزەکانی.
 
ئه‌و ڕۆژنامه‌یه‌ باس له‌وه‌ش ده‌كات كه‌  به‌رپرسانى ریاڵ مەدرید دەیانه‌وێت سوود لەو پەیوەندییە وەربگرن کە لەگەڵ مینۆ رایۆلا، بەڕێوەبەری کارەکانی پۆگبا هەیەتی و به‌ موچه‌یه‌كى به‌رز بیگوازنه‌وه‌.
 
گرێبەستی پۆگبا، لەگەڵ یانەی مانچێستەر یونایتد لە هاوینی ساڵی داهاتوودا کۆتاییدێت، تاوەکو ئێستا چارەنووسی یاریزانەکە دیارنییە.
 


AM:10:25:14/10/2021


ئه‌م بابه‌ته 1996 جار خوێنراوه‌ته‌وه‌‌

گەلەری