چاوەڕواننەكراو.. ریاڵ مەدرید و ئارسیناڵ دەیانەوێت گرێبەستێكی ئاڵوگۆڕكاری ئەنجام بدەن
وێستگە سپۆرت-
یانەی ریاڵ مەدریدی ئیسپانی دەیەوێت گرێبەستێكی ئاڵوگۆڕكاری لەگەڵ یانەی ئارسیناڵ ئەنجام بدات ، بە پێدانی جەیمس رۆدریگێز و بەدەستهێنانی تواناكانی ئۆبامیانگی هێرشبەری ئەو یانەیە .
پێگەی دیفینسا سێنتراڵی ئیسپانی ئاماژەی بەوەكردووە كە یانەی ریاڵ مەدرید ماوەیەكی زۆرە ئارەزووی گواستنەوەی ئۆبامیانگ دەكات بۆنۆژەنكردنەوەی هێڵی پێشەوەی یانەكەی و ئامادەیە لەو پێناوەدا جەیمس رۆدریگێزی كۆڵمبی بداتە یانە لەندەنییەكە .
ئەو پێگەیە باس لەوەش دەكات كە یانەی شاهانە دەیەوێت ئەو هەلە بقۆزێتەوە كە ئۆبامیانگ ئارەزووی جێهیشتنی یانەكەی دەكات و لە ماوەی رابردوودا رەتیكردەوە گرێبەستەكەی لەگەڵ ئارسیناڵ نوێبكاتەوە كە لە 2021 كۆتایی دێت .
لە لایەكی ترەوە هەندێ سەرچاوە ئەمڕۆ ئارەزووی یانەی بەرشەلۆنەشیان ئاشكرا كرد بۆ گواستنەوەی ئۆبامیانگ بۆ جێگەی سوارێز
PM:11:45:07/11/2019
ئه‌م بابه‌ته 15432
جار خوێنراوه‌ته‌وه