‌ڤیدیۆ.. یۆڤانتۆس بە زەحمەت لە لۆكۆمۆتیڤ مۆسكۆی بردەوە

وێستگە سپۆرت-


یانەی یۆڤانتۆس بە زەحمەت و بە دوو گۆڵ بەرامبەر گۆڵێك شكستی بە یانەی لۆكۆمۆتیڤ مۆسكۆ هێنا .

لە یارییەكانی جەولەی چوارەمی قۆناغی كۆمەڵەكانی خولی یانە پاڵەوانەكان و لە كۆمەڵەی چوارەمدا یانەی یۆڤانتۆس بووە میوانی لۆكۆمۆتیڤ ،لەگەڵ دەسپێكی یارییەكە ولەخولەكی چوار ئارۆن رامسی گۆڵی یەكەمی بۆ یۆڤانتۆس تۆماركرد، بەڵام زۆری نەبرد و لەخولەكی 12 میرانشۆك گۆڵی بەرامبەری بۆ لۆكۆمۆتیڤ تۆماركردەوەو تایمی یەكەم بەو شێوەیە كۆتاییهات .
نزیك بوو تایمی دووەم بەم ئەنجامە تەواو بێت ، تائەوەی لەخولەكی 93 دۆگلاس كۆستای بەڕازیلی گۆڵی دووەمی بۆ یانەكەی بە شێوازێكی جوان تۆماركرد و سێ خاڵی گرنگی بەخشییە یانەكەی . 

بەو بردنەوەیە خاڵەكانی یۆڤانتۆس بووە 10 خاڵ لە پێشەنگی ریزبەندی دایە ولۆكۆمۆتیڤیش خاوەنی سێ خاڵە ولە پلەی سێیەمدایە .


AM:12:12:07/11/2019


ئه‌م بابه‌ته 612 جار خوێنراوه‌ته‌وه‌‌