لە مۆندیال، هەڵبژاردەی پرتوگال توانی بە سەرکردایەتی ڕۆناڵدۆ بە ئەنجامی 5-0 لە ئۆزباکستان بباتەوە و سێ خاڵی گرنگ بەدەستبهێنێت.

ئەمشەو لە درێژەی یارییەکانی هەفتەی دووەمی قۆناغی کۆمەڵەکان و لە گروپی k دا هەڵبژاردەی پرتوگال ڕووبەڕووی ئۆزباکستان بووەوە. 

وەک زۆرینەی پێشبینییەکان، هەڵبژاردەی پرتوگال هەر لە سەرەتای یارییەکەوە بە بەهێزی دەستی پێکرد و جڵەو و کۆنترۆڵی یارییەکەیان گرتە دەست و لە خولەکی 6 ی یارییەکەدا، کریستیانۆ ڕۆناڵدۆ یەکەم گۆڵی خۆی و هەڵبژاردەکەی تۆمار کرد، دواتر و لە خولەکی 17 دا نۆنۆ مێندێش گۆڵی دووەمی بە لێدانێکی ڕاستەوخۆی نایاب تۆمارکرد، بەر لە کۆتایی هاتنی ئەو تایمە ڕۆناڵدۆ گۆڵی دووەمی خۆی و سێیەمی هەڵبژاردەکەی تۆمار کرد و ئەو تایمە بەو سێ گۆڵە کۆتایی هات. 

سیناریۆی تایمی دووەمیش بەهەمان شێوەی تایمی یەکەم بوو، پرتوگال بە بەهێزی دەستی بە یارییەکە کردەوە و لەم تایمەشدا دوو گۆڵی دیکەیان تۆمار کرد و سەرەنجام یارییەکە بە ئەنجامی پێنج گۆڵی بێوەڵام لە سوودی پرتوگال کۆتایی هات و ڕۆناڵدۆش بە دوو گۆڵ وەڵامی نەیارەکانی دایەوە. 

بڕیارە بەرەبەیانی ئەمڕۆش یاری دووەمی ئەم کۆمەڵەیە لە نێوان کۆڵۆمبیا و کۆنگۆدا بەڕێوە بچێت. 

پرتوگال بەو بردنەوەیە لە ئێستادا بە کۆکردنەوەی 4خاڵ پێشەنگی کۆمەڵەکەی گرتووە.

PM:11:56:23/06/2026

ئه‌م بابه‌ته 128 جار خوێنراوه‌ته‌وه‌‌