لە خولی ئیسپانیادا، یانەی بارشەلۆنا بە زەحمەت توانی لە ڕایۆ ڤالیکانۆ بباتەوە و پێگەی خۆی لە پێشەنگی بەهێزتر بکات. 

ئێوارەی ئەمڕۆ لە چوارچێوەی یارییەکانی هەفتەی 29 ی خولی ئیسپانیادا، یانەی بارشەلۆنا میوانداری ڕایۆ ڤالیکانۆی کرد. 

لە تایمی یەکەمدا یانەی بارشەلۆنا بە هێرشبردن دەستی پێکرد و توانیان لە خولەکی 24 دا لە ڕێگەی ئاراوخۆوە گۆڵی یەکەم تۆمار بکەن و ئەو تاکە گۆڵە بووە ناسنامەی ئەو تایمە و کۆتایی هات. 

لە تایمی دووەمدا یاریزانانی ڕایۆ ڤالیکانۆ گەڕانەوە کەشی یارییەکە و باشتر دەرکەوتن وە هەردوولا بەردەوام هێرشیان دەبردە سەر گۆڵی یەکتر، بەڵام هیچ لایەکیان سەرکەوتوو نەبوون لە تۆمارکردنی گۆڵدا و سەرەنجام یارییەکە بە ئەنجامی 1-0 لە سوودی بارشەلۆنا کۆتایی هات. 

بەو بردنەوەیەش بارشەلۆنا بە کۆکردنەوەی 73 خاڵ پێشەنگی بەهێزتر کردوو ئێستا بە شێوەیەکی کاتی جیاوازی خاڵەکانی لەگەڵ ڕیاڵ مەدریدی دووەمدا گەیاندە 7 خاڵ.

PM:09:45:22/03/2026

ئه‌م بابه‌ته 44 جار خوێنراوه‌ته‌وه‌‌