لە خولی ئیسپانی. بارشەلۆنا بە ئەنجامێکی گەورە لە سیڤیلیای بردەوە و جیاوازی خاڵەکانی لەگەڵ نزیکترین ڕکابەرەکەیدا بووەوە بە چوار خاڵ. 

شەوی ڕابردوو لە یارییەکانی هەفتەی 28 ی لالیگادا، یانەی بارشەلۆنا میوانداری سیڤیلیای کرد. 

هەر لە سەرەتای تایمی یەکەمەوە کوڕانی هانسی فلیک بە بەهێزی دەستیان پێکرد و لە خولەکەکانی 9 و 21 دا ڕافینها بە دوو لێدانی سزا دوو گۆڵی بۆ بارشەلۆنا تۆمار کرد، دانی ئۆلمۆش گۆڵێکی دیکەی تۆمارکرد و یانەی میوانیش لە خولەکەکانی کۆتاییدا گۆڵێکیان تۆمار کرد و سەرەنجام ئەو تایمە بە ئەنجامی 3-1 لە سوودی بارشەلۆنا کۆتایی هات. 

لە تایمی دووەمیشدا یاریزانانی بارشەلۆنا دووبارە بە بەهێزی دەرکەوتن و لە خولەکەکانی 51 و 60 دا دوو گۆڵی تریان تۆمار کرد و هەرچی یانەی میوانیشە گۆڵێکی تریان تۆمار کردوو سەرەنجام یارییەکە بە ئەنجامی 5-2 لە سوودی یانە کەتەلۆنییەکە کۆتایی هات. 

بەو بردنەوەیەش یانەی بارشەلۆنا کۆی خاڵەکانی گەیاندە 70 خاڵ و جیاوازی خاڵەکانی لەگەڵ ڕیاڵ مەدریدی دووەمدا کردەوە بە 4 خاڵ. 

AM:11:45:16/03/2026

ئه‌م بابه‌ته 48 جار خوێنراوه‌ته‌وه‌‌