هەردوو یانەی بارشەلۆنا و لیڤەرپوڵ کەوتوونەتە کێبڕکێکردنی بۆ بەدەستهێنانی تواناکانی ئەلیساندرۆ باستۆنی بەرگریکاری ئینتەرمیلان. 

ڕۆژنامەی سپۆرتی کەتەلۆنی ئاشکرای کردووە، کە یانەی بارشەلۆنا دەیەوێت ئەلیساندرۆ باستۆنی بەرگریکاری ئینتەر میلان لەم هاوینەدا بگوازێتەوە ڕیزەکانی و لە ئێستادا خۆی بۆ گرێبەستکردن لەگەڵ ئەو یاریزانەدا ئامادە دەکات. 

هەمان ڕۆژنامە ئەوەشی ئاشکرا کردووە، کە هاوشانی بارشەلۆنا، ئیدارەی یانەی لیڤەرپوڵیش چاودێری تواناکانی ئەو یاریزانە دەکەن و دەیانەێت کێبڕکێی بارشەلۆنا بکەن بۆ بەدەستهێنانی تواناکان بارشەلۆنا. 

ڕۆژنامەی سپۆرت ئاماژەی بەوەشکردووە، کە لە ئێستادا لە بازاڕی گواقستنەوەی یاریزاناندا نرخی باستۆنی بە نزیکەی 70 ملیۆن دەخەمڵێنرێت و یانەکەیشتی بە کەمتر لەو نرخە دەستبەرداری ئەو یاریزانە نابێت، بەڵام یانەی بارشەلۆنا ئەو نرخەی پێ زۆرە. 

باستۆنی گرێبەستەکەی لەگەڵ یانەی ئینتەر میلاندا تا ساڵی 2028 بەردەوامە و لە هەوینی ئەو ساڵەدا گرێبەستەکەی لەگەڵ ئەو یانەیەدا بەسەر دەچێت. 

PM:01:37:14/03/2026

ئه‌م بابه‌ته 216 جار خوێنراوه‌ته‌وه‌‌