لە خولی ئەمریکی، یانەی ئینتەر میامی توانی لە دی سی یونایتد بەرێتەوە و بچێتە پلەکانی پێشەەی ڕیزبەندی خولەکە.

لە درێژەی یارییەکانی خولی ئەمەریکی و لە هەفتەی سێیەمدا یانەی ئینتەر میامی بووە میوانی دی سی یونایتد.

لە تایمی یەکەمدا مێسی و هاوڕێکانی باشتر دەرکەوتن و لە خولەکەکانی 17 و 27 لە ڕێگای مێسی و دیپاوڵەوە دوو گۆڵیان تۆمار کرد و ئەو تایمە بەو دوو گۆڵە لە سوودی ئینتەر میامی کۆتایی هات. 

سیناریۆی تایمی دووەم جیاواز بوو کاتێکی یاریزانانی دی سی کۆنترۆڵی یاریگایان خستبوویەوە دەستی خۆیان و لە خولەکی 75 دا گۆڵێکیان تۆمار کرد بەڵام یارییەکە تا کۆتایی بەو ئەنجامە مایەوە و سەرەنجام ئینتەر میامی بە ئەنجامی 2 گۆڵ بەرامبەر بە گۆڵێک لە دیسی بردەوە. 

بەو بردنەوەیەش ئینتەر میامی خاڵەکانی بوو بە 6 خاڵ و لە پلەی چوارەمی ڕیزبەندی خولەکەدایە. 

AM:11:19:08/03/2026

ئه‌م بابه‌ته 448 جار خوێنراوه‌ته‌وه‌‌