لە خولی ئینگلتەرا، ئەرسناڵ توانی بە ئەنجامی 4-1 لە تۆتنهام بەرێتەوە، لە پێشەنگی خولەکە بمێنێتەوە. 

شەوی ڕابردوو لە درێژەی یارییەکانی هەفتەی 27 ی پرێمەرلیگدا، ئەرسناڵ لە دەرەوەی یاریگای خۆی ڕووبەڕووی تۆتنهام بووەوە و یاری دێربییان ئەنجام دا. 

لە تایمی یەکەمدا، یاریزانانی ئەرسناڵ کۆنترۆڵی یاریگایان کردبوو وە لە خولەکی 32 شدا گۆڵی یەکەمیان تۆمار کرد، بەڵام یانەی خاوەن یاریگاش بێ دەنگ نەبوون و تەنها پاش دوو خولەک گۆڵی یەکسانبوونەوەیان تۆمار کرد، و ئەو تایمەش بە یەکسانی و بە گۆڵێک بۆ هەر لایەکیان کۆتایی هات. 

سیناریۆی تایمی دووەم جیاوازتر بوو کاتێک یاریزانانی ئەرسناڵ بە تەواوی کۆنترۆڵی یارییەکەیان کرد و لە خولەکەکانی 47 و 63 و دواین خولەکی ئەو تایمەدا سێ گۆڵیان تۆمارکرد و تۆتنهامیان تێک شکان، سەرەنجام یارییەکە بە ئەنجامی 4-1 لە سوودی ئەرسناڵ کۆتایی هات. 

بەو بردنەوەیەش ئەرسناڵ کۆی خاڵەکانی گەیاندە 61 خاڵ و لە پێشەنگی خولەکە مایەوە. 

AM:10:53:23/02/2026

ئه‌م بابه‌ته 64 جار خوێنراوه‌ته‌وه‌‌