لە چامپیۆنسلیگ ڕیاڵ مەدرید بە زەحمەت یاری چوونی لە بەنفیکا بردەوە و نزیکە لە گەیشتن بە قۆناغی 16 ی پاڵەوانییەتییەکە. 

شەوی ڕابردوو لە یارییەکانی پلەی ئۆفی چامپیۆنسلیگدا، ڕیاڵمەدرید بووە میوانی بەنفیکای پرتوگالی. 

لە تایمی یەکەمدا، هەردولا باش دەرکەوتن و تاڕادەیەک هاوسەنگی بە یارییەکەوە دەبینرا، بەڵام سەرەنجام هیچ لایەکیان سەرکەوتوو نەبوون لە گۆڵ تۆمار کردن و ئەو تایمە بە بێ گۆڵ کۆتایی هات. 

لە سەرەتاکانی تایمی دووەمدا یاریزانانی قەڵای شاهانە باشتر دەرکەوتن و توانییان لە خولەکی 50 وە لە ڕێگای ڤینیسۆسەوە گۆڵی پێشکەوتن تۆماربکەن، وە یارییەکەش تا کۆتا خولەکەکانی ئەو تایمەش بەو ئەنجامە مایەوە و سەرەنجام بەو تاکە گۆڵەش کۆتایی هات. 

بەو بردنەوەیەش ڕیاڵ مەدرید هەنگاوێک لە قۆناغی داهاتوو نزیک بووە و بڕیارە هەردوو یانە لە 25 ی ئەم مانگەدا یاری گەڕانەوە لە یاریگای سانتیاگۆ بێرنابێۆ ئەنجام بدەن. 

AM:11:31:18/02/2026

ئه‌م بابه‌ته 156 جار خوێنراوه‌ته‌وه‌‌