یانەی بارشەلۆنا بە زەحمەت توانی لە ئالباسێتی بباتەوە و بگاتە قۆناغی پێش کۆتایی جامی شای ئیسپانیا. 

شەوی ڕابردوو لە یارییەکانی قۆناغی 8 ی جامی شای ئیسپانیادا، یانەی بارشەلۆنا بووە میوانی یانەی ئەلباسێتی. 

لە تایمی یەکەمدا، یاریزانانی هانسی فلیک باشتر دەرکەوتن و کۆنترۆڵی یاریگایان کردبوو، وە توانیان لە خولەکی 39 دا گۆڵی یەکەم لە ڕێگای لامین یاماڵەوە تۆمار بکەن ئەو تایمەش بەو تاکە گۆڵە کۆتایی هات. 

لە تایمی دووەمدا، و لە خولەکی 56  ئاراوخۆ بە لێدانی سەر، بارشەلۆنای کردە خاوەنی گۆڵی دووەم، هەرچەندە یانەی میوان لە خولەکی 87 دا جیاوازییەکەیان کەمکردەوە، بەڵام تازە کار لە کار ترازابوو، سەرەنجام یارییەکە بە ئەنجامی 2-1 لە سوودی یانە کەتەلۆنییەکە کۆتایی هات. 

بەو بردنەوەیەش یانەی بارشەلۆنا سەرکەوت بۆ قۆناغی پێش کۆتایی جامی شای ئیسپانیا و ئەلباسێتیش ماڵ ئاوایی کرد. 

AM:11:37:04/02/2026

ئه‌م بابه‌ته 60 جار خوێنراوه‌ته‌وه‌‌