لە جامی ئەڵمانیا بایرن میونشن لە یونیۆن بەرلینی بردەوە و گەیشتە چارەکی کۆتایی.

دوێنێشەو لە قۆناغی 16ی جامی ئەڵمانیا، یانەی بایرن میونشن لە دەرەوەی یاریگای خۆی بووە میوانی یانەی یونیۆن بەرلین.

لە تایمی یەکەمدا، بایرن میونشن  لە رێگەی هاری کەین و ئانسا و دێگۆ لایت بە هەڵە سێ گۆڵی تۆمارکرد، یونیۆن بەرلینیش گۆڵێکی لە رێگەی لیۆبۆلد تۆمارکرد.

لە تایمی دووەمدا و لە خولەکی 55 لیۆبۆلد گۆڵێکی تری بۆ یونیۆن بەرلین تۆمارکرد و سەرەنجام یارییەکە بە سێ گۆڵ بەرامبەر دوو گۆڵ لە سوودی بایرن میونشن کۆتاییهات.

لە یارییەکی تری هەمان قۆناغدا، یانەی شتوتگارت رووبەڕووی بوخۆم بووەوە و بە دوو گۆڵی بێبەرامبەر بردنەوەی بەسەردا بەدەستهێنا.
دوای ئەو ئەنجامانە، هەریەکە لە بایرن میونشن و شتوتگارت گەیشتنە قۆناغی چارەکی کۆتایی و یونیۆن بەرلین و بوخۆم ماڵئاواییانکرد.

AM:10:17:04/12/2025

ئه‌م بابه‌ته 120 جار خوێنراوه‌ته‌وه‌‌