لازیۆ شکستى بە یۆڤانتۆس هێنا
وێستگە سپۆرت-
یانەی لازیۆ بە تاکە گۆڵێک بردنەوەی بەرامبەر یۆڤانتۆس بەدەستهێنا و چووە پلەی دەیەمی ریزبەندی
لە یارییەکی هەفتەی هەشتەمی خولی ئیتاڵیا، یانەی لازیۆ لە یاریگای خۆیدا میوانداری یۆڤانتۆسی کرد.
تایمی یەکەم،دوای تێپەڕینی نۆ خولەک لازیۆ گۆڵی یەکەمى لە رێگەی بیسیک تۆمارکرد ، نیوەی یەکەمیش تەنیا ئەو گۆڵەی بەخۆیەوە بینی.
لە تایمی دووەم، یوڤی تا رادەیەک باشتر یارییکرد، بەڵام لازیۆ بەرگرییەکی بەهێزی کرد و پارێزگاری لەو تاکە گۆڵەی نیوەی یەکەم کرد، یارییەکەشی بەو گۆڵە بردەوە.
بەم بردنەوەیەکە یۆڤانتۆس زیاتر لە پلەکانی پێشەوەی ریزبەندیی دورکەوتەوە و بە 12 خاڵ لە پلەی هەشتەمە، هەرچی یانەی لازیۆیە بە کۆکردنەوەی 11 خاڵ پلەی 10یەمی گرتووە.
AM:09:45:27/10/2025
ئه‌م بابه‌ته 92
جار خوێنراوه‌ته‌وه