ماوەی دوورکەوتنەوەی مادویکی دیاری کرا
وێستگە سپۆرت-
ماوەی دوورکەوتنەوەی نۆنی مادویکی هێرشبەری ئارسیناڵ دیاری کرا.
مادویکی هێرشبەری ئارسیناڵ لە یاریی ڕابردووی یانەکەی بەرانبەر مانچستەر سیتی لە پرێمەرلیگ تووشی پێکان هات و بەو هۆیەش یاریگای جێ هێشت.
لەو بارەیەوە ڕۆژنامەی زە ئەتلەتیکی بەڕیتانی ئاشکرای دەکات، پێکانەکەی مادیوکی لە ئەژنۆیدایە، بەڵام پچڕانی بەستەرە نییە و بارودۆخی پێکانەکە زۆر مەترسیدار نییە، بەڵام پێوستی بە وەرگرتنی پشوو هەیە.
سەرچاوەکە باس لەوەش دەکات ، یاریزانەکەی ئارسیناڵ بەهۆی ئەو پێکانەی تووشی بووە نزیکەی دوو مانگ لە یاریی کردن دادەبڕێت و گەنەرز ناتوناێت پستی پێ ببەستێت.
زە سەن ئەوەش ڕوون دەکاتەوە، بەهۆی ئەوەی لە کاتی پێکانەکەی بوکایۆکا ساکا، مادویکی جێگرەوەیەکی باشی بووە و ئاستێکی نایابی پێشکەش دەکرد، بووبووە جێگای دڵخۆشی لای ڕاهێنەر و هاندەرانی یانە ئینگلیزییەکە.
شایەنی باسە، پێکانی مادویکی لە کاتێکدایە لە ئارسیناڵ هەریەکە لە کای هاڤێرتز و گابرێل خیسۆس و مارتن ئۆدیگارد بەهۆی پێکانەوە لە یاریکردن دابڕاو و دیاریش نییە کەی بۆ یاریگاکان دەگەرێنەوە.
PM:07:00:23/09/2025
ئه‌م بابه‌ته 152
جار خوێنراوه‌ته‌وه