ناپۆلی گرێبەستی هۆیلاندی یەکلا کردەوە
وێستگە سپۆرت-
یانەی ناپۆلی ئیتاڵی گرێبەستکردنی لەگەڵ ڕاسمۆس هۆیلاندی هێرشبەری مانچستەر یونایتد یەکلا کردەوە.
ڕۆژنامەنووسی ئیتاڵی فابریزیۆ ڕۆمانۆ ئاشکرای کرد، بەرپرسانی یانە ئیتاڵی و ئینگلیزییەکە سەبارەت بە هۆیلاند گەیشتنە ڕێککەوتن و هێرشبەرەکە بە خواستن پەیوەندی بە ناپۆلییەوە دەکات.
سەرچاوەکە ڕوونیشی دەکاتەوە، نرخی خواستنەکە 6 ملیۆن یۆرۆیە و کۆتایی وەرز ناپۆلی بە ناچاری دەبێت بە نزیکەی 44 ملیۆن یۆرۆ گرێبەستی هۆیلاند بکاتە هەمیشەیی.
گرێبەستی هۆیلاند لە کۆتایی وەرز تاکو هاوینی 2030 واژووی لەسەر دەکرێت و لە ئێستادا هێرشبەرەکە چاوەڕێی وردەکارییەکان دەکات تاکو بگاتە ئیتاڵیا و پەیوەندی بە ناپۆلییەوە بکات و بڕیارە لە 24 کاتژمێری داهاتوو پشکنینی پزیشکی بۆ ئەنجام بدرێت.
PM:06:17:30/08/2025
ئه‌م بابه‌ته 108
جار خوێنراوه‌ته‌وه