دۆڕتمۆند گرێبەستی نیکۆ کۆڤاچی ڕاهێنەری نوێ کردەوە
وێستگە سپۆرت-
یانەی بوروسیا دۆڕتمۆندی ئەڵمانی گرێبەستی نیکۆ کۆڤاچی ڕاهێنەری نوێ کردەوە.
هەرچەندە لە دەستپێکی خولی ئەڵمانی دۆڕتمۆند نەیتوانی براوە بێت و بە سێ گۆڵ بەرانبەر سانت پاولی یەکسان بوو، بەڵام لە بەیاننامەیەکی فەڕمیدا، زەردەواڵەکانی ئەڵمانیا گرێبەستی کۆڤاچی ڕاهێنەری تیپەکەیان بۆ ماوەی دوو وەرزی دیکە و تاکو هاوینی 2027 درێژ کردەوە.
سێباستیان کێلی بەڕێوەبەری وەرزشی تیپەکە دڵخۆشی خۆیانی بە نوێکردنەوەی بۆندی کۆڤاچ نیشاندا و ڕاهێنەرەکەش ڕایگەیاند، لە ماوەی شەش مانگی ڕابردوو دەستکەوتێکی زۆریان بەدەست هێناوە و تیپەکەیان بەرەو ڕێگای ڕاست بردووە و وەک ڕاهێنەرێکیش هەست بە متمانەیەکی زۆر دەکات.
کۆڤاچ زستانی ڕابردوو پۆستی ڕاهێنەری یانەی دۆرتمۆندی وەرگرت، کاتێک تیپەکە لە پلەی یازدەیەمی خولی ئەڵمانی بوو، دواتر سەرکردایەتی تیپەکەی کرد بۆ گەیشتن بە چامپیۆنسلیگی ئەم وەرزە و پلەی چوارەمی خولەکەی بۆ بەدەست هێنان.
PM:06:20:26/08/2025
ئه‌م بابه‌ته 308
جار خوێنراوه‌ته‌وه