چوامینى هۆکارى بردنەوەیان لە ڕیاڵ ئۆڤیدیۆ ئاشکرا دەکات
وێستگە سپۆرت-
ئۆریلیان تچۆامێنی ئەستێرەی یانەی ڕیال مەدرید باسی لە هۆکارەکانی بردنەوەی تیپەکەی کرد بەرانبەر ڕیاڵ ئۆڤیدیۆ.
تچۆامێنی لە لێدوانێکدا کە ڕۆژنامەی مارکای ئیسپانی بڵاویکردووەتەوە، ڕایگەیاندووە، یارییەکەی ئەمڕۆ زۆر گرنگ بوو، پێش دەستپێکردنی وەرز، گوتمان دەمانەوێت پێش پشووی نێودەوڵەتی سێ یاری ببەینەوە.
لە درێژەی قسەکانیدا وتی: دوو یاری یەکەممان بە گۆڵێکی خاوێن بردەوە، دەبێت لەو بەم شێوەیە بەردەوام بین
ئەستێرە فەرەنسییەکە ئاماژەی بەوەشکردووە، هاوسەنگییەکی باشمان هەیە لە نێوان هێرشبردن و بەرگریدا
ئاماژەی بەوەشکردووە، گرنگترین شت ئەوەیە بە خێرایی تۆپەکە وەربگرینەوە بۆ ئەوەی بتوانین هەل دروست بکەین.
تچۆامێنی لە درێژەی قسەکانیدا وتی: ئێمە بەرامبەر ئۆڤیدۆ باشتر یاریمان کرد وەک لە بەرامبەر ئۆساسۆنا، هیوادارم بەرامبەر مایۆرکا باشتر یاری بکەین.
ڕیال مەدرید لە 30ی ئاب لە یاریگای سانتیاگۆ بێرنابیۆ یاری داهاتووی خۆی بەرامبەر مایۆرکا ئەنجام دەدات.
AM:10:50:25/08/2025
ئه‌م بابه‌ته 476
جار خوێنراوه‌ته‌وه