لیڤاندۆڤسکی بۆ یەکەم یاریی لالیگا ئامادە نابێت
وێستگە سپۆرت-
ڕۆبێرت لیڤاندۆڤسکی پۆلەندی و هێرشبەری بەرشەلۆنە بۆ یەکەم یاریی خولی ئیسپانی ئامادە نابێت.
هەفتەی پێشوو هێرشبەرەکەی بلاوگرانا دووچاری پێکان هات و نەیتوانی بەشداری جام خوان گامپەریش بکات.
لەو باریەوە ڕۆژنامەی موندۆی نزیک لە بەرشەلۆنە ئاشکرای کردووە، لیڤاندۆڤسکی لەم هەفتەیە بەشداری هیچ مەشقێکی بە کۆمەڵی تیپەکەی نەکردووە ئەوەش بەهۆی ئازار لە ماسولکەکانی ڕانی چەپیدا.
سەرچاوەکە ئەوەش پشتڕاست دەکاتەوە، یارینەکردنی لیڤاندۆڤسکی بۆ لە یەکەم یاریی لالیگا بەرانبەر ڕیاڵ مایۆرکا لە ڕۆژی شەممە بە تەواوی یەکلا بووەتەوە و ئامادە نابێت.
پێشبینی دەکرێت هانسی فلیک لەو یارییە پشت بە تواناکانی فێران تۆرێس ببەستێت ئەوەش بەهۆی ئەوەی مارکۆس ڕاشفۆردیش بەهۆی تۆمار نەکردنی ناوەکەی تاکو ئێستا ناتوانێت لەو یارییە ئامادە بێت.
PM:06:05:14/08/2025
ئه‌م بابه‌ته 540
جار خوێنراوه‌ته‌وه