‌مانچستەر یونایتد چاوى لە ئەستێرەیەکى بایرن میونخە

وێستگە سپۆرت-

یانەی مانچستەر یونایتدی ئینگلیزی هەوڵی گواستنەوەی دایۆت ئوپامێکانۆی بەرگریکاری لاوی فەرەنسی لە یانەی بایرن میونشن دەدات.

بەگوێرەی ڕاپۆرتێک کە ڕۆژنامەی زە سەنی بەریتانی بڵاویکردووەتەوە، ئیدارەی یانەی مانچستەر یونایتد ئۆپامێکانۆی لە پێشەنگی ئامانجەکانى داناوە.

هاوینی داهاتوو گرێبەستەکەی ئۆپامێکانۆ کۆتایی دێت، ئیدارەی بایرن میونشنیش دەیەوێت لەم هاوینەدا دەستبەردارى بێت ئەگەر گرێبەستەکەى نوێنەکاتەوە.

بەهای ئەو ئەستێرە فەرەنسییە لە بازاڕدا 50 ملیۆن یۆرۆیە

ئوپامێکانۆی تەمەن ٢٦ ساڵ  گرێبەستەکەی لەگەڵ بایرن میونشن لە مانگی حوزەیرانی ٢٠٢٦ کۆتایی دێت.

ئۆپامێکانۆ لە ساڵی ٢٠٢١ لە یانەی لایپزیگەوە پەیوەندی بە بایرن میونشنەوە کرد و لەو کاتەوە تا ئێستا ١٥٢ یاری ئەنجامداوە و ٥ گۆڵی تۆمارکردووە و ١٠ ئەسیستیشی کردووە.


AM:10:21:13/08/2025


ئه‌م بابه‌ته 456 جار خوێنراوه‌ته‌وه‌‌