ئارسیناڵ ئەستێرەیەکى دەکاتە قوریانى لە پێناو ئیزێ
وێستگە سپۆرت-
ئارسناڵ لە پێناو گواستنەوەى ئیزێ یاریزانی یانەی کریستاڵ پاڵاس ئامادەیە دەستبەردارى ئەستێرەیەکى بێت .
بەگوێرەی ڕاپۆرتێک کە ڕۆژنامەی "زە میرەر"ی ئینگلیزی بڵاویکردووەتەوە، ئارسناڵ بیر لە فرۆشتنی ئەستێرەی لیاندرۆ ترۆسارد دەکاتەوە، بۆ ئەوەی ڕێگە خۆش بکات بۆ ئیزێ.
لە ڕاپۆرتەکەدا ئاماژە بەوە کراوە کە ترۆسارد و فابیۆ ڤیێرا و ڕیس نێڵسن لەنێو ئەو یاریزانانەدان کە لەبەرچاو دەگیرێن بۆ ڕۆیشتن لە ئارسناڵ.
بەهای ئەو ئەستێرە ئینگلیزییە لە بازاڕدا 55 ملیۆن یۆرۆیە
ئێزی تەمەن 27 ساڵ، گرێبەستەکەی لەگەڵ کریستاڵ پاڵاس لە مانگی حوزەیرانی ٢٠٢٧ کۆتایی دێت.
ئیزێ لە ساڵی ٢٠٢٠ لە یانەی کوینز پارک ڕێنجەرزەوە پەیوەندی بە کریستاڵ پاڵاسەوە کرد و لەو کاتەوە تا ئێستا ١٦٨ یاری ئەنجامداوە و ٤٠ گۆڵی تۆمارکردووە و ٢٨ ئەسیستیشی کردووە.
AM:10:04:13/08/2025
ئه‌م بابه‌ته 360
جار خوێنراوه‌ته‌وه