بایرن میونخ دوو یاریزانی چێڵسی بۆ جێگەكەی کۆمان دەستنیشان کردووە
وێستگە سپۆرت-
یانەی بایرن میونخی ئەڵمانی دوو هێرشبەری یانەی چێڵسی وەک شوێنگرەوەی کینگسلی کۆمان دەستنیشان کردووە.
یانەی نەسڕی سعودی گواستنەوەی کۆمانی لە بایرنەوە بە نزیکەی 30 ملیۆن یۆرۆ یەکلا کردووەتەوە و یانە باڤارییەکەش هەوڵی جێگرەوەی دەدات.
تۆڕی سکای ئەڵمانیا و ڕۆژنامەی بێڵد بڵاویان کردووەتەوە، بەرپرسانی یانە ئەڵمانییەکە گرێبەستکردنیان لەگەڵ یەکێک لە کریستۆڤەر نکونکو یاخوود نیکۆلاس جاکسۆن لە چێڵسی بە ئامانج گرتووە.
ڕۆژنامەنووس کریستیان فالک ئاماژەی بەوەداوە، بژاردەی یەکەمی بایرن میونخ هێنانی نکونکویە، ئەگەر نەتوانێت بیگوازێتەوە ئینجا پەنا بۆ هێنانی جاکسۆن دەبات.
باس لەوەش دەکرێت، بەرپرسانی یانە لەندەنییەکە ئامادە نین نکونکو بەخواستن بدەنە هیچ یانەیەک مەگەر گرێبەستی کڕینی هەمیشەیی بگاتە دەستیان، لەکاتێکدا جاکسۆن لە پلانەکانی ئینزۆ مارێکسا نابینرێت بۆ وەرزی نوێ.
PM:05:53:12/08/2025
ئه‌م بابه‌ته 304
جار خوێنراوه‌ته‌وه