چێڵسی ڕێککەوتنی تاکەکەسی لەگەڵ گارناچۆ کردووە
وێستگە سپۆرت-
یانەی چێڵسی لەندەنی نزیکە لەوەی گرێبەستی ئالیخاندرۆ گارناچۆی ئەرجەنتینی لە مانچستەر یونایتدەوە یەکلا بکاتەوە.
فابریزیۆ ڕۆمانۆی ڕۆژنامەنووس ئاشکرای کردووە، هێرشبەرەکەی تانگۆ ڕێککەوتنی تاکەکەسی لەگەڵ چێڵسی ئەنجامداوە و تەنیا دەیەوێت ڕوو لە یانە لەندەنییەکە بکات.
سەرچاوەکە ئەوەش دەخاتەڕوو، ئێستا چێڵسی گفتوگۆی گواستنەوەی گارناچۆ لەگەڵ شەیتانە سوورەکان چڕ دەکاتەوە و هەموو شتێک بەباشی بەڕێوە دەچێت و پێشبینی دەکرێت ئالیخاندرۆ ڕوو لە چێڵسی بکات.
بەرپرسانی مانچستەر یونایتد دەیانەوێت نزیکەی 40 ملیۆن پاوەندیان لە فرۆشتنی گارناچۆ دەستبکەوێت، بەڵام چێڵسی دەیەوێت بەو نرخە کەمتر هێرشبەرە بگوازێتەوە.
شایەنی باسە گارناچۆ تاکو هاوینی 2028 گرێبەستی لەگەڵ مانچستەر هەیە و وەرزی ڕابردوو لەگەڵ ئامۆریمی ڕاهێنەر لە یاریی کۆتایی یۆرۆپالیگ بووە ناکۆکییەکان و ئەوەش وایکرد لە پلانەکانی ڕاهێنەرە پۆرتوگالییەکە دەربچێت.
PM:12:06:12/08/2025
ئه‌م بابه‌ته 356
جار خوێنراوه‌ته‌وه