سلۆت داهاتووى کێزاى یەکلایی کردەوە
وێستگە سپۆرت-
ئارنێ سلۆتی ڕاهێنەری یانەی لیڤەرپوڵ داهاتووی فێدریکۆ کێزا ئەستێرەی ئیتاڵی یەکلاکردەوە.
ناوی کیێزا پەیوەندی بە ئەگەری گەڕانەوەی بۆ خولی ئیتاڵیا لەم هاوینەدا هەبووە، بەڵام پێدەچێت پێشهاتەکانی ئەم دواییە ئەو ڕێڕەوەی گۆڕیبێت.
بەپێی ڕاپۆرتێکی دەیلی مەیلی بەریتانی، سلۆت دژی ئەوەیە لەم هاوینەدا کێزا یانەکە جێبهێڵێت
لە ڕاپۆرتەکەدا ئاماژە بەوە کراوە کە ڕۆیشتنی لویس دیاز و داروین نونێز هۆکاری پێداگری سلۆتە لەسەر مانەوەی کێزا، ئەمە جگە لە مردنی دیۆگۆ جۆتا.
ڕۆژنامە ئینگلیزییەکە ڕوونیشیکردووەتەوە، لیڤەرپوول لە ئێستادا کێزا و کۆدی گاکپۆ و محەمەد سەڵاح و هوگۆ ئێکیتیکی لە هێرشبردندا هەیە، شانبەشانی ڕیۆ نگمۆهای لاو وەک بژاردەی یەدەگ.
کێزاى تەمەن ٢٧ ساڵ. گرێبەستەکەی لەگەڵ لیڤەرپوول لە مانگی حوزەیرانی ٢٠٢٨ کۆتایی دێت.
کێزا تەنها 14 یاری لەگەڵ لیڤەرپوول ئەنجامداوە و دوو گۆڵی تۆمارکردووە و دوو ئەسیستیشی کردووە.
AM:10:20:12/08/2025
ئه‌م بابه‌ته 160
جار خوێنراوه‌ته‌وه