ئێوارەی ئەمڕۆ کاتژمێر 5:30 خولەک هەڵبژاردی عێراق لە یەکەم یاری لە قۆناغی یەکەمی گروپی چوارەمی جامی عەرەبی لە یاریگای 974 لە دەوحە ڕووبەڕووی هەڵبژاردەی بەحرەین دەبێتەوە.

گراهەم ئارنۆڵد، ڕاهێنەری هەڵبژاردەی عێراق ڕایگەیاند لە کۆنگرەی پێش یاریەکەدا: پاڵەوانێتی جامی عەرەب هەلێکی زۆر باشە بۆ سەیرکردنی تواناکانی یاریزانەکانمان وئێمە لێرەین بۆ ئەوەی خزمەتی عێراق بکەین.  

ڕاهێنەری هەڵبژاردەکە وتیشی: من بەرپرسیارێتی هەموو شتێک هەڵدەگرم ئيمە کار دەکەین بۆ بەدەستهێنانی ئامانجەکانمان، بەڵام شێوازی یاریکردن و متمانەی یاریزانەکانیش گرنگە، ئامانجی ئيمە بردنەوەیە و دڵخۆشم کە هاندەرانمان لەگەڵە، کە هەمیشە کاریگەری باشیان لەسەر ئەنجامەکانمان هەیە.

ئارنۆڵد دەربارەی یاریەکەشیان بەرامبەر هەڵبژاردەی بەحرەین وتی: لە پێشتردا چەند یارییەکم بەرامبەر هەڵبژاردەکانی کەنداو ئەنجام داوە و زۆر بە پەرۆشم بۆ بینینی ئاستی یاریزانەکانم، وە زۆر یاریزانمان هەیە کە لە پاڵاوتنەکانی مۆندیال لەگەڵمان بوون بەڵام دەرفەتی یاریکردنیان نەبووە، لەم پاڵەوانیەتیەدا دەرفەتی زیاتریان پێدەدرێت و ئەبێت تەواوی تواناکانیان بە گەڕ بخەن. 

AM:11:57:03/12/2025

ئه‌م بابه‌ته 188 جار خوێنراوه‌ته‌وه‌‌