یەکەم لێدوانی دیوانی شاهانەی ئوردن لەبارەی هەوڵی "کودەتا" لەوڵاتەکەیدا

‌ شاعەبدوڵا دووەم، پادشای ئوردن

وێستگەنیوز-

دیوانی شاهانەی ئوردن رایگەیاند، پەیوەست بە پرسی حەمزە بن حسێن شازادەی جێنشینی پێشوو، شاعەبدوڵا دووەم پادشای وڵاتەکەیان ئەو پرسەی بە شازادە حەسەن مامی سپارد بۆ چارەسەری پرسەکە لەناو خێزانی هاشمیدا، بۆیە  شازادەی جێنشینی پێشوو جەختیکردوەتەوە کە پابەندە بەو ڕێچکەیەی لەخێزانی هاشمی دیاریکراوە.
 
دیوانی شاهانەی ئوردن لەیەکەم راگەیەنراوی فەرمیدا پەیوەست بە دەنگۆی (کودەتا) و کێشەکانی ناو خێزانی شاهانەی ئەو وڵاتە، لەراگەیەنراوێکدا بڵاویکردەوە،  لەبەر ڕۆشنایی بڕیاری شا عەبدوڵای دووەم بۆ مامەڵەکردن لەگەڵ پرسی حەمزە بن حسێن شازادەی جێنشینی پێشوو، ئەو پرسە سپێردرا بە شازادە حەسەنی مامی پادشای ئوردن بۆچارەسەرکردنی لەناو خێزانی هاشمیدا.

ئەوەش هاتووە، شازادە حەسەن لەگەڵ حەمزە بن حسێن پەیوەندیکردوە و شازادەی جێنشنی پێشوو دڵنیایی داوە کە پابەندە بەنزیکبوونەوەکانی ناو خێزانی هاشمی و بەو ڕێچکەیەی لەخێزانی هاشمی دیاریکراوە.

3ی ئەم مانگە رۆژنامەی Washington Post بڵاویکردەوە، حەمزە بن حسێن شازادەی جێنشینی پێشوو و دەیان بەرپرسی باڵای ئەمنی بە تۆمەتی هەڕەشە لەسەر ئارامی وڵات دەستگیرکراون.

ئەوەش هاتوە، بەرپرسانی دیوانی شاهانەی ئوردن باوەڕیانوایە "پلان و گەلەکۆمەکییەک هەیە بەهاوکاری ژمارەیەک کەسایەتی، سەرۆک هۆز و بەرپرسانی ئەمنی"، کە لەلایەن ئەندامێکی خێزانی شاهانەوە بەڕێوەدەبرێت.

لەوبارەیەوە ئاژانسی هەواڵی ئوردن لەزاری بەرپرسێکی باڵای ئەمنییەوە بڵاویکردەوە، حەمزە بن حسێن لەماڵەکەی خۆیدا لە عەمان دەستبەسەرکراوە و "بەرامبەر گەلەکۆمەکی بۆ لەکارخستنی شا عەبدوڵا لێکۆڵینەوە لەگەڵدا دەکرێت".


PM:09:34:05/04/2021


ئه‌م بابه‌ته 2500 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت