لە سلێمانی داعشێک دەستگیرکرا

‌داعشە دەستگیرکراوەکە

وێستگه‌ نیوز ـ

به‌ڕێوه‌به‌رایه‌تی ئاسایشی رۆژئاوای سلێمانی ده‌ستگیركردنی داعشێكی راگه‌یاند، كه‌ له‌ نه‌ته‌وه‌ی عه‌ره‌به‌ و له‌ عه‌شیره‌تی دلێمییه‌.


به‌ڕێوه‌به‌رایه‌تییه‌كه‌ له‌ راگه‌یه‌ندراوێكدا رایگه‌یاندووه‌: لەسەربنەمای بوونی زانیاری پێشوەختە هێزەکانیان لەبەڕێوەبەرایەتی ئاسایشی رۆژئاوای سلێمانی کەسێکیان بەناوی (م، ص، م، م) لە 27ی شوباتی 2021 ده‌ستگیركرد.

ئاماژه‌ی به‌وه‌شداوه‌، ئه‌و ده‌ستگیركراوه‌ لە ریزەکانی دەوڵەتی ئیسلامی لە عیراق و شام بووە، لەساڵی 2014 لە پارێزگای سەلاحەدین لە قەزای بێجی پەیوەندی کردوە و بەیعەتی بەدەوڵەتی ئیسلامی لە عیراق و شام داوە، تا ساڵی 2015 لە عیراق لە گەڵیان ماوەتەوە پاش تێکشکاندنی ریزەکانی داعش لە سنوری پارێزگای سەلاحەدین  دەچێتە سوریاو لەوێش بەردەوامدەبێت.


جۆین بە لەگەڵ هەواڵە بەپەلەکانی وێستگە نیوز لە تیلیگرام

به‌پێی راگه‌یه‌ندراوه‌كه‌، لە مانگی شوباتی 2021، دەگەڕێتەوە عیراق و دەچێتە پارێزگای هەولێر تا 26ی شوباتی 2021 لەوێ نیشتەجێ دەبێت، پاشان دێتە سنوری پارێزگای سلێمانی و لە 27ی شوباتی 2021 لەلایەن هێزەکانیانەوە دەستگیردەکرێت.

ئاماژه‌ به‌وه‌شدراوه‌، تۆمەتباری دەستگیرکراو لەنەتەوەی عەرەبەو سەر بەعەشیرەتی دلێمیە و خێزاندارە، لەبنەچەدا خەڵکی پارێزگای سەلاحەدینە.

ده‌شڵێت: "لەلایەن دادوەری دادگای لێکۆڵینەوەوە بەپێی ماددەی 2ی تیرۆر راگیراوەو لێکۆڵینەوە لەگەڵیدا بەردەوامە".


PM:06:57:02/03/2021






ئه‌م بابه‌ته 31656 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت