وێستگە نیوز - کامەران کەریم
سەرلە ئێوارەی ئەمڕۆ هەینی لەسەر ڕێگای خورماڵ-بیارە لە سنوری پارێزگای هەڵەبجە کەسێک گیانی لەدەستداو پێنج کەسی دیکەش برینداربوون.
مقەدەم بەرزان عوسمان محەمەد وتەبێژی بەڕێوەبەرایەتی پۆلیسی پارێزگای هەڵەبجە بە وێستگە نیوز- ی ڕاگەیاند :" ئێوارەی ئەمڕۆ هەینی لە ئەنجامی وەرگەڕانی ئوتومبیلێکی جۆری جیب لیبرتی لەسەر ڕێگای هەڵەبجە-هەورامان نزیک بازگەی دەرەشیش ژنیک بەناوی (س ع س) تەمەن 23 ساڵ دانیشتوی پارێزگای سلێمانی گەڕەکی فەرمانبەران گیان لەدەست دەدات و پێنج سەرنشینی دیکە بریندار دەبن."
وتیشی:" لەبەر سەختیی برینەکانیان دوو برینداریان ڕەوانەی نەخۆشخانەی فریاکەوتنی سلیمانی کران و 3 برینداریشان لە نەخۆشخانەی فریاکەوتنی هەڵەبجەن."
ڕونیشیکردەوە:" تەرمی ژنەکە ڕەوانەی پزیشکی دادی پارێزگای هەڵەبجە کرا شۆفیری ئوتومبیلە بە بڕیاری دادوەری لێکۆڵینەوەو بەپێ مادەی 24ی هاتوچۆ بەندکراوەو دۆسیەی لێکۆڵینەوە بۆ ڕوداوەکە لە بنکەی پولیسی خورماڵ ڕێکخراوە."
PM:06:19:15/01/2021
ئهم بابهته 3272
جار خوێنراوهتهوه