نوێترین زانیاری له بارهی رهوانهكردنی 320 ملیار دینارهكهی ههرێم
وێستگە نیوز ـ پشتیوان جەمال
ئهندامێكی لیژنهی دارایی له ئهنجومهنی نوێنهرانی عیراق پێی لهم ههفتهیهدا بهغدا 320 ملیار دینارهكهی ههرێم رهوانه بكات و دهست به دابهشكردنی مووچه بكرێت، له بارهی دابهشكردنی دوو مووچهشهوه زانیاری دهدات.
هۆشیار عەبدوڵا، ئهندامی لیژنەی دارایی لە ئهنجومهنی نوێنهرانی عیراق بە وێستگە نیوزی راگەیاند: "بەپێی لێدوانی وتەبێژی حکومەتی عیراق تەمویلی ئەم مانگەی حکومەتی هەرێم بەپێی هەمان رێککەوتی پێشوو بەپێی هەمان میکانیزم چاوەڕوان دەکرێت لەم هەفتەیەدا سەرف بکرێت".
سەبارەت بەوەی ئێستا حکومەتی عیراق دوو مووچە دابەش دەکات، ئایا دوو مووچەش بۆ کوردستان رەوانە دەکات،
هۆشیار عەبدوڵا وتی: "بەپێی رێککەوتنەکە لەبەرئەوەی پێشتر حکومەتی عیراق پارەی لەبەردەستدا نەبووە، بەڵام ئێستا پارەی لەبەردەستدایە پێویستە مووچەی هەردوو مانگەکە پێکەوە رەوانە بکات، چونکە رێککەوتنی 320 ملیار دینارەکە تا کۆتایی ئەمساڵە، بەڵام ئەگەر حکومەتی عیراق دوو مووچەش رەوانە بکات، حکومەتی هەرێم هەر مووچەیەک دابەش دەکات".
ئهمڕۆ دووشهممه 16ی تشرینی دووهمی 2020، جوتیار عادل، وتهبێژی حكومهتی ههرێمی كوردستان له لێدوانێكی بۆ میدیاكان رایگهیاند، لێدوانەکەی وتەبێژی حکومەتی عیراق بۆ ناردنی 320 ملیاردەکە بۆ هەرێم خۆشحاڵانەیە و ئەگەر بەغدا بینێرێت ئەوا مووچە دابەشدەکەن.
هاوكات فارس عیسا، سەرۆکی نوێنەرایەتی حکومەتی هەرێمی کوردستان لە بەغدا بە وێستگه نیوزی راگهیاند: لە عیراق دەست بە دابەشکردنی مووچە کراوە، دوای دابەشکردنی مووچە بڕیارە بەغدا 320 ملیار دینارەکەی مووچەی فەرمانبەرانی هەرێمی کوردستانیش بنێرێت.
لەبارەی چارەسەرکردنی کێشەکانی نێوان هەولێر و بەغداش، فارس عیسا وتی: "بڕیارە لە چەند رۆژی داهاتوودا شاندێکی حکومەتی هەرێمی کوردستان سەردانی بەغدا بکات".
ئاماژهی بهوهشدا، كه تهمهننا دهكهن به زوویی بهغدا 320 ملیار دینارهكهی مووچهی فهرمانبهرانی ههرێم رهوانه بكات بۆ ئهوهی دهست به دابهشكردنی مووچه بكرێت.
بەرەبەیانی رۆژی پێنجشەممەی رابردوو، پەرلەمانی عیراق بەبێ رەزامەندیی کورد، پرۆژەیاسای قەرزی بۆ کورتهێنانی بودجە پەسهندکرد. بەپێی یاساکە هیچ پشکێک لەو قەرزە بۆ هەرێمی کوردستان دیارینەکراوە، هاوکات رادەستکردنی هیچ بڕە نەوتێکیش لەسەر هەرێمی کوردستان نەسەپێنراوە، بەڵکو دانراوە کۆمپانیای سۆمۆ دیاریبکات، بۆیە نوێنەرانی کورد لە پەرلەمانی عیراق بەپێویستیی دەزانن، هەرێمی کوردستان شاندێک بۆ گفتوگۆ بنێرێتە بەغدا، وەک ئەوان دەڵێن، ئەگەر پابەندبن بە نێوەڕۆکی یاسای قەرزەوە، دەتوانن لەجیاتی 320 ملیار دینار، زیاتریش وەربگرن.
دوێنێ یەکشەممە سێ سەرۆکایەتییەکەی هەرێمی کوردستان، لە سەرۆکایەتی هەرێمی کوردستان کۆبوونەوە بۆ تاوتوێکردنی هەڵوێستیان بەرامبەر عیراق و تێپەڕاندنی یاسای قەرز بۆ پڕکردنەوەی کورتهێنان لە بودجەی عیراق بەبێ جێکردنەوەی خواستەکانی کورد.
دوای تەواوبوونی کۆبوونەوەکە، نێچیرڤان بارزانی، سەرۆکی هەرێمی کوردستان لە کۆنگرەیەکی رۆژنامەڤانیدا وتی: "لە حکومەتی عیراق و بەشێکی لایەنە سیاسییەکان نیگەرانین، ئەو یاسایەی لە پەرلەمانی عیراق دەریانکرد، بەتەواوی دژی خەڵکی هەرێمی کوردستانە".
هەمان رۆژ وتەبێژی مستەفا کازمی، سەرۆک وەزیرانی عیراق رایگەیاند، بەغدا پابەندە بە ناردنی 320 ملیار دینارەکە بۆ هەرێمی کوردستان و دەڵێت، ناکرێت جیاوازی بکرێت لەنێوان فەرمانبەرێک لە بەسرە و فەرمانبەرێک لە هەولێر.
AM:11:58:16/11/2020
ئهم بابهته 22788
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت