سلێمانی.. حه‌وت كه‌سی دیكه‌ توشی ڤایرۆسی كۆرۆنا بوون


وێستگە نیوز-

وه‌زاره‌تی ته‌ندروستیی حكومه‌تی هه‌رێمی كوردستان ده‌رئه‌نجامێكی نوێی بۆ توشبوانی ڤایرۆسی كۆرۆنا راگه‌یاند و ئاشكرایكرد كه‌ له‌ شاری سلێمانی حه‌وت كه‌سی دیكه‌ توشی ڤایرۆسه‌كه‌ بوون.

وه‌زاره‌تی ته‌ندروستی رایگه‌یاندوه‌ كه‌  لە بەردەوامی پشکنینەکان و گەڕان بەدوای گومانلێکراوان، حه‌وت توشبوی دیکەی ڤایرۆسی کۆڕۆنا لە پارێزگای سلێمانی دەستنیشانکران.

وه‌زاره‌تی ته‌ندروستی رایگه‌یاندوه‌ كه‌ توشبوه‌كان سێ ئافرەتی تەمەن 57 و 30 و 25 ساڵ و چوار منداڵی تەمەن 12 و 4 و 3و 2 ساڵانن.
ده‌شڵێت كه‌ سه‌رجه‌م ئه‌م توشبوه‌ نوێیانه‌، بەرکەوتەی تووشبووانی پێشوون و هەموویان دانیشتووی شاری سلێمانین.

بەپێی دوایین ئاماری وەزارەتی تەندروستی هەرێم، تا ئێستا 461 حاڵەتی توشبون بە کۆرۆنا لە هەرێمدا تۆمارکراون و لەو ژمارەیەش 385یان چاکبوونەتەوە و پێنج کەسیش گیانیان لەدەستداوە.


PM:09:09:22/05/2020


ئه‌م بابه‌ته 1308 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت