كازمی فەرمانی بۆ خەرجکردنی مووچەی مانگی ئایار دەرکرد


وێستگه‌ نیوز ـ
مسته‌فا كازمی، سه‌رۆك وه‌زیرانی عیراق فه‌رمانیدا مووچه‌ی مانگی ئایار به‌بێ هیچ لێبڕین و پاشه‌كه‌وتێك دابه‌ش بكرێت.


نووسینگه‌ی رۆژنامه‌وانیی ئه‌نجومه‌نی وه‌زیرانی عیراق له‌ به‌یاننامه‌یه‌كدا بڵاویكرده‌وه‌ كه‌ مسته‌فا كازمی، سه‌رۆك وه‌زیرانی عیراق فه‌رمانی ده‌ركردووه‌ مووچه‌ی مانگی ئایاری فه‌رمانبه‌ران و مووچه‌خۆران دابه‌ش بكرێت.

له‌ فه‌رمانه‌كه‌ی كازمیدا هاتووه‌: مووچه‌ی ئه‌م مانگه‌ی فه‌رمانبه‌ران به‌بێ هیچ لێبڕین و پاشه‌كه‌وتێك دابه‌ش ده‌كرێت.

دابه‌شكردنی مووچه‌ی مانگی ئایار له‌ به‌غدا، هاوكاته‌ له‌گه‌ڵ دابه‌شكردنی مووچه‌ له‌ هه‌رێمی كوردستان، به‌ڵام له‌ هه‌رێم مووچه‌ی مانگی یه‌كی ئه‌مساڵ دابه‌ش ده‌كرێت و چوار مانگ له‌دوای مووچه‌ی به‌غداوه‌یه‌.


PM:06:36:19/05/2020


ئه‌م بابه‌ته 9720 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت