كڵاوه‌كانیان یه‌ك مه‌تره‌


وێستگه‌ نیوزـ

چین ڤایرۆسی كۆرۆنای كۆنتڕۆڵ كرد و به‌مدواییه‌ش ده‌رگای خوێندنگه‌كانی به‌ڕووی خوێندكاران و قوتابیاندا كرده‌وه‌ به‌ڵام به‌ مه‌رجی جێبه‌جێكردنی رێنمایی "دووریی كۆمه‌ڵایه‌تی".

دوای ده‌ستكردنه‌وه‌ به‌ پرۆسه‌ی خوێندن، ده‌بێت خوێندكارانی چین كڵاوێكیان له‌سه‌ردا بێت كه‌ درێژییه‌كه‌ی یه‌ك مه‌تر بێت، له‌سه‌ركردنی كڵاوه‌كه‌ خوێندكاران و قوتابیان ناچار ده‌كات یه‌ك مه‌تر له‌یه‌كتر دووربن و به‌وجۆره‌ش خۆیان له‌ به‌ریه‌ك كه‌وتن ده‌پارێزن و خۆپارێزی له‌ ڤایرۆسی كۆرۆنا ده‌كه‌ن.

كڵاوه‌كان خوێندكاران و قوتابیان خۆیانه‌وه‌ له‌ كارتۆن دروستكراوه‌ كه‌ له‌ هه‌ر لایه‌كه‌وه‌ پارچه‌یه‌كی درێژی پێوه‌یه‌ و به‌و دوو پارچه‌ درێژه‌ ماوه‌ی نێوانیان ده‌پارێزن.

سه‌ره‌تای سه‌رهه‌ڵدانی ڤایرۆسی كۆرۆنا له‌ مانگی كانونی یه‌كه‌می 2019 بوو له‌ شاری ووهانی چین، له‌و وڵاته‌  چوار هه‌زار و 633 كه‌س گیانیان له‌ده‌ستدا و 82 هه‌زار و 804ی دیكه‌ش توشی ڤایرۆسه‌كه‌ بوون.




PM:09:31:27/04/2020












ئه‌م بابه‌ته 1764 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو