بەرهەم ساڵح سەرۆک وەزیرانی نوێی عیراقی بۆ پێکهێنانی حکومەت راسپارد

سەرۆک کۆماری عیراق، عەدنان زەرفی راسپارد بۆ پێکهێنانی کابینەی نوێی حکومەتی عیراق. 

پێشنیوەڕۆی ئەمڕۆ بەرهەم ساڵح، سەرۆک کۆماری عیراق، عەدنان زەرفی سەر بە هاوپەیمانی نەسر-ی وەک سەرۆک وەزیرانی نوێی عیراق بۆ پێکهێنانی کابینەی حکومەت راسپارد. 

راسپاردنی عەدنان زەرفی بۆ پێکهێنانی حکومەتی نوێی عیراق لە کۆشکی سەرۆکایەتی کۆماری عیراق بە ئامادەبوونی مەدحەت مەحمود، سەرۆکی دادگای فیدڕاڵی و فائق زێدان، سەرۆکی ئەنجوومەنی باڵای دادوری و محەمەد حەلبوسی، سەرۆکی پەرلەمانی عیراق بەڕێوەچوو.