سەرۆک وەزیرانی عیراق و وەزیری دەرەوەی ئەمریکا پەیوەندییەکی تەلەفونیان ئەنجامدا
وێستگە نیوز-
سەرۆک وەزیرانی عیراق و وەزیری دەرەوەی ویلایەتە یەکگرتووەکانی ئەمریکا پەیوەندییەکی تەلەفونیان ئەنجامدا.
نوسینگەی راگەیاندنی سەرۆک وەزیرانی عیراق، رایگەیاند، ئەمڕۆ دووشەممە عادل عەبدولمەهدی سەرۆک وەزیران و مایک پۆمپیۆ، وەزیری دەرەوەی ئەمریکا لەسەر پرسی خۆپیشاندانەکانی شاری بەغدا و شارەکانی دیکەی عیراق قسەیان کردووە.
بەپێی بەیاننامەکە لە پەیوەندیە تەلەفونیەکەدا سەرۆک وەزیرانی عیراق دوا پێشهاتەکانی دۆخی ئەمنی عیراق و گەڕانەوەی دۆخی ئاسایی بۆ شارەکان لە دوای هەڵگرتنی قەدەغەی هاتووچۆ بۆ مایک پۆمپیۆ خستووەتەڕوو.
هاوکات عادل عەبدولمەهدی جەختی لەوەش کردووەتەوە کە ئاسایشی عیراق لە ژێر کۆنتڕۆڵی هێزە ئەمنیەکانە و کاریش بۆ گەڕانەوەی سەقامگیری زیاتر دەکەن.
بەیاننامەکە دەشڵێت، " عادل عەبدولمەهدی بە بە وەزیری دەرەوەی ئەمریکای راگەیاندووە کە حکومەتەکەی کۆمەڵێک چاکسازی راگەیاندووە و رێوشوێنیش دەگرێتە بەر، بەردەوامیش دەبێت لە جێبەجێکردنی داواکارییەکانی هاونیشتیمانیان".
ش . ر
AM:10:31:07/10/2019
ئه‌م بابه‌ته 2828
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت