نرخی نەوت لە بازاڕەكانی جیهان رووی لە دابەزینی زیاتر كرد

نرخی نەوت لە بازاڕەكانی جیهاندا بەردەوامە لە دابەزین پاش ئەو پاشەكشەی هەفتەی رابردوو بە خۆیەوە بینی.

بە پێی هەواڵی ئاژانسە جیهانییەكان نرخی نەوتی برێنت 24 سەنت لە بازاڕدا دابەزیوە و گەیشتۆتە 58.13 دۆلار بۆ یەك بەرمیل، هەروەها نەوتی تەكساسی ئەمریكی 12 سەنت دابەزیوە و نرخەكەی بریتیە لە 52.69 دۆلار بۆ هەر بەرمیلێك.

دابەزینی نرخی نەوت بەهۆی كەم بوونەوەی داواكارییە لەسەر نەوت و خاوبوونەوەی گرێبەستەكانە لە ئەنجامی زیادبوونی ناكۆكییەكانی ئەمریكا و چین، ئەوەیش كاریگەری هەیە لەسەر گەشەی ئابوری جیهان بە گشتی و ئەو رەشبینیانەی وڵاتان هەیانە لەسەر هەردوو لایەن.

بڕیارە جارێكی دیكە بەرپرسانی ئەمریكا و چین لە واشنتۆن لە 10 و 11 ئەم مانگەدا كۆببنەوە و خولێكی نوێی گفتوگۆ ئەنجام بدەن لەسەر ناكۆكییە ئابوورییەكانیان.

AM:08:21:07/10/2019

ئه‌م بابه‌ته 1720 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت